Sim u futoho di methhawyonutho şatonoyto du rşomo, da naqşat udu xtuto Suryoyo b’Boghdod

BOGHDOD – I mdabronutho gawonoyto du yulfono Suryoyo du Ciraq, sımla u futoho di methhawyonutho şatonoyto du rşomo, da naqşat udu xtuto Suryoyo. I hfituthathe dımtaybo yawme d’Huşabo dşaficina bu salon di madraşto dilonoyto d’qadişo Mor Tuma du gymnasyet b’Boğdod, mıştawtaflela mşale da ferce du yulfono Suryoyo, u mathlone mi tarbitho d’Boğdod.  

Hadır’ste malfone u yolufe da madraşyotho dmıştawtaflın ba syomathe lu glohano. Camathe fris surotho u syome di ido dımgaşamlın u hubo d’Aloho, du athro, du leşono udi madraşto. Ba mamle dsimi’ste bu glohano, m’akdo i ulsoyutho di mtaybonutho dhawxa glohe di amnorutho, cal dıkmıştacın dawro msimono ba haye da yolufe da madraşyotho.    

Bu zawho du futoho, mtayıb’ste hfitwotho mşahılfotho ma yolufe da madraşyotho, beynothaye qroyo d’mimre bu leşono Suryoyo u Caraboyo, u teşmico d’qole citonoye u slawotho. Bebzabno, nqişo musiqi farsufoyto u mqadmo masrahto cali tarbitho tawdithoyto Mşihoyto.