Sim u futoho du tarco du cboro u nfoqo di qastra d’Baqufa di daşto d’Ninwe

Bıfıshutho camonoyto rabtho, sim u futoho du tarco du cboro nfoqo di qastra d’Baqufa di daşto d’Ninwe.

U tarco d’Baqufa dmahıt acle slibo dıkmabhır, mıştawtafle lu futohayde hsayo, kohne u kunoşo rabo mu camaydan ma fenyotho mşahılfe di daşto d’Ninwe.

B’dawse hathto dıkrımzo li yortutho du camaydan uli Mşihoyutho di daşto d’Ninwe, 11 bu yarhano sim u futoho du tarco du nfoqo cboro di qastra d’Baqufa bi rişonutho du hasyo di marcitho d’Alqoş di cito Kaldoyto d’Bobıl Mor Mixael Maqdisi.

Lu zawho du futoho du tarco mıştawtafle u kohno di cito d’Baqufa qaşişo Hırmız Alraheb, qaşişo Rodi Saffar, dayroyotho mi cito da n’Abohe Domenikan, u kunoşo rabo mu camaydan d’Baqufa, Tellısqof, Alqoş, Batnaya u Telkepe.

U zawho du futoho du tarco d’Baqufa sim bi cohnutho du cedo du Slibo mqadşo, ucamu terkiwo du tarco mahıt ste bahre ba tre xasawır du darbo dıkmawbıl li qastra d’Baqufa.

Calu tarco d’Baqufa mcalıq slibo dkibe bahre, ukito ste lohitho dıkthew eba ba tre leşone Suryoyo u Caraboyo udkımmi blayno ba n’athoye l’Baqufa.

İ tarmithathe simo bu snodo d’Bıtrıs Şawka, ubi methcadronutho da comure d’Baqufa.