Sim u futoho ruşmoyo di cito d’Yuldath Aloho di cito d’Madınho d’Othuroye dkıtyo bi şawtho d’St James Avenue b’London
U camaydan dkıtyo cayıd di cito d’Madınho d’Othuroye, zwınle cito i catıqto da Britanoye d’Mor Yahkub dkıtyo bi arişkoyto London. İ citathe dsim u qudoşayda mi qadişutho du fatıryarxo di cito d’Madınho d’Othuroye Mor Awa III Roel, mşahlıf ışma l’Yuldath Aloho.
LONDON – Sim ba yawmotho dşafıcina u futoho ruşmoyo di cito d’Yuldath Aloho dkıtyo bi şawtho d’St James Avenue b’London d’Britania. İ ctathe dfayşo’wa sxırto 8 eşne, zwino’wa mu camaydan di cito d’Madınho d’Othuroye u mhathıtho mi çamaca di cito. Wu meqım 2 yawme sim u qudoşayda u ftihi a tarcayda lan abne du camaydan.
Lu zawho ruhonoyo u ruşmoyo dsim bu qudoşo di citathe mi qadişutho du fatıryarxo Mor Awa III Roel, hadır hol 500 bnaynoşo-hem me Britania u hemste mğer mdinotho u athrawotho dbritho. Bebzabno, mqadım egrotho d’tahınyotho mi rişonitho di karxutho uğer mşale hrene Britanoye.
Camani’ste hadır kohne du camaydan me Australia, me Amerika, Kanada umu Madınho Mescoyo uğer. Ba mamle dsimi bu zawhano’ste mawdıc, di cito qayimo me hatho leşan dfulğo i hubo u dımbarbızo i meltho d’Aloho beyn du kenşo.
Bıthır mıd maqıth u Slibo di cito-dgıfoyış qayitho 24 şoce u yawmo, i qadişutho du fatıryarxo’ste zrıcle dawmo bi dırto di cito xıd remzo di şetısto da waride di cito bi fnitho d’Ealing.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
