Sim u qudoşo di cito d’Mor Athanasyos di marcitho da Suryoye Ortodoksoye bu qlimo d’Florida

Bi mditho dı Tamba bu qlimo d’Florida d’Amerika, sim u qudoşo di cito d’Mor Athanasyos di marcitho da Suryoye Ortodoksoye.

Mxasra hreto, bu qlimo d’Arizona d’Amerika gıdmitasrıh efesqufo hatho li cito Catıqto d’Madınho, laşan dhowe rucyo li marcitho du Macırbo d’Amerika.

Athmıl safrayto, i qadişutho du fatıryarxo di cito Suryoyto Ortodoksoyto Mor İğnatiyos Afrem Trayono, mrayşanle u zawho du qudoşo di cito d’Mor Athanasyos bi mditho dı Tamba bu qlimo d’Florida d’Amerika. Lu zawho du qudoşo di cito mıştawtafle u efetrufo fatıryarxoyo di amrcitho du madınho d’Amerika hasyo Mor Diyonisyos Jan Qawwaq, u rişono di marcitho d’Hımıs ud’Hama hasyo Mor Timothawos Matta Alxuri, u kohno di cito hathto qaşişo Alan Şlatna wu kohno di marcitho dmeqım qaşişo Jon Kuke, u rişono du mawtbo citonoyo di marcitho Şamcun Jallo u menyono mu camaydan dıkhoye bu qlimo d’Florida.

Mor Afrem Trayono bu mamlo dsımle, mhanele an’abne di marcitho d’Mor Athanasyos calu qudoşo di citaththe i hathto, wu rişono du mawtbo Şamcun Jallo dımqadamle tawdiyotho li qadişuthaydei mahkele ste bu mamlayde cala maşıqle mşahılfe dşafico ebaye i marcitho Suryoyto dı Tamba. Ubıthır mathe Jallo mqadamle a’qlide di cito hathto l2Mor Afrem Trayono. Camgabıdathe, u kohno di marcitho qaşişo Alan Şaltan bu mamlo dsımle mqadamle a’tawdiyothayde lkul man dhawi sanodo li tarmitho du bnoyo di cito hathto.

Mxasra hreto, I qadişutho du fatıryarxo di cito Catıqto d’Madınho Mor Aday Trayono, bi egartho dımşadrole 28 bu yarhano la hsayo mcalayo a’hadome di Sunados mqadaşto, mawdacle dıfsıqle dmitasrıh qaşişo Şamli Tamraz efesqufo hatho li marcitho du Macırbo d’Amerika bu siqumo d’20 bu yarho d’Hzirın dıbqamuthayna. I masırhonutho du efesqufo hatho gıdmitaybo bi cito d’qadişo Mor Gewargis bi mditho d’Finix bu qlimo d’Arizona d’Amerika.

Qaşişo Şamli Tamraz dcımre 69 ışne, mawladwo bi hiğmonutho d’Al Anbar bu Ciraq, w’ucdo malfono bu haqlo di Kimya yo bi bethsawbo d’Frisno bu qlimo d’Kalifornya d’Amerika.