Sim ytawyotho beyn d’HBA u du gabo d’Bnay Nahreyn

Taşdarto mşawtafto me gabe u farsufe, sımlın socurutho lu gabo d’Abnay Nahren u drişi bi ytawtathe a şuşote hathe dkowın bu Iraq.

 Bu knuşyano a mathlone du cameydan, drışlın a şuşote dkowın bu athro, i aykanoyutho du cameydan wi mşalutho dıknuflo cala gabe du cameydan.

 İ ytawtathe athyo lu hwoyo ba yawmotho d’şaficina bu qentrun du gabo d’Bnay Nahrin dkıtyo b’Ankawa bu garbyo du Iraq.

 Bi ytawtathe, bi qamayto a mşale u rişone drışlın i aykanoyutho du athro wa şuşote dkito u bıthır drişo i aykanoyutho du camaydan u Kaldoyo Suryoyo Othuroyo u mın mşalutho u wolyotho kınofıl cala gabe u şutose du cameydan bu zabnano.

 A rişone drışlın aydarbo kibın dımqadmi a fulhone lıhdode, u bebzabno aydarbo kibın dfayti a casqotho dıkcoyış u cameydan wu aydarbo kibın camhıdode bı awyutho dmaşın a fulhone.

 Bi taşdarto kıtwo u rişono du gabo du Huyodo d’Bethnahrin Athroyo Yusuf Yahkub Mette, wu notarozo di Mtakasto d’Kaldo Aşur, du gabo semoloyo Kudistanoyo Nişat Abu Cadıl wu qoyumo catiqo du camaydan bu parlamento du Cıraq Jusef Sliwa. Bu istiqbal du knuşyano, kıtwo mınyono ma farsufe u mşale du gabo d’Bnay Nahrin.