Simon Yahkub kıthule mimartho dıkmahke cali lo kinutho di şultonutho Turkoyto dıkseymo mqabıl Dayroyo Aho

U kothubo Simon Yahkub bi mimartho dıkthule bu leşono Almanoyo, kımahke cali lo kinutho dıksaymo i şultonutho Turkoyto mqabıl du rişdayro d’Mor Yahkub d’Qarno Aho Bilecen.

 Yahkub bi rmoyteyde dıkthule b’rwihutho cali casqutho dıkhoye u cameydan u d’fayış beyn da 2 falqe dıkmharbi hıdode-me gabo i PKK u mu gabo hreno i şultonutho d’Turkiya  u komır; İ sbutho du dayroyo’ste a fire di casquthathe’yo.

U kothubo u gelyunoro şaryo Simon Yahkub bu şuroyo di mimarthayde kımahke calu nfoqo di PKK dımşatso leşan dobo qrobo di hirutho lu cameyda u Kurdoyo, elo lfuth i hzayto d’Turkiya, gabo marhıbono’yo dıkmharıb mqabıl dida me zabno yarixo.

Bu qrobano beyn Turkiya wi PKK ban 1978 hawi celtho lu qatlo d’mınyono rabo d’farsufe ma 2 gabe. Yakub bi mimarthayde komır; Mu zabno dımşarele u qrobano, u cameydan cayış casqutho rabtho metul du qlimo dkowe u qrobo ebe, u athro şerşoyo du camo Suryoyo Othuroyo’yo u mawxa u cameydan kfoyış beyn da tre haylani dıkmharbi hıdode.

U kothubo dıkmahke b’rwihutho cala qetre dkito beyn Turkiya uda hayle di PKK u hathe d’nqilo l’Suriya, kobe dharbo la mathlone dhın ma şutose du cameydan dkobın a hzayothathe cali sbuthathe, u kımamte u mamlo li sbutho du fusqono du bethdino d’Turkiya bhaq du dayroyo Aho Bilecen.

U kothubo Simon Yahkub komır; U fusqonano dkıtyo siyasi, kobıc dobe sırto du tewzico. Turkiya bu şıkılano dıksaymo laybe howe şlomo eba, dlo howe ytawto cama gabe kulle u dhowe droşo cali şetesto da zedqe noşoye u camonoye. Bu dumyano u kothubo mahwele u hfuxyeyde mqabıl du fısqpmp lo kino du bethdino qlimoyo d’Turkiya mqabıl du rişdayro d’Mor Yahkub d’Qarno dayroyo Aho Bilecen.