Steve Witkov mawdacle laşan dmımte l’şroyo l’zabno yarixo bu qlimo d’Ğaza, klozım dmimıd u zayno du zawco d’Hamas b’şıkıl kulonoyo

WASBi maqırhonutho dhule li mğaltho Amerikoyto d’The Atlantic, u mathlono dilonoyo d’Amerika bu madınho mescoyo Stev Witkov mawdacle du dewam di şkihutho zaynoyto d’Hamas bu qlimo d’Ğaza mede dlıkmitaqbılyo, u makadle dıklozım dmimıd u zayno d’Hamas kule xıd falqo asasi mayna qyomo aminoyo du şlomo. 

Camgabıdathe, Witkov bi maqırhonuthayde grışle u zuhoro calu ray gawonoyo d’İsroyel dkıtyo fliğo bi sbutho du terfiyo da yasire dıhtifi mu zawco d’Hamas d’Ğaza, u mathkarle ste dkito fliğutho rabtho bi sbutho du maşıqlo da bazare dacla Yasire İsarloye. 

Mxasra hreto, u rişono d’Fleşt Mahmud Cabbas mawdacle du athro d’Fleşt balhude huweyo dgıdhokım u qlimo d’Ğaza, u mathkarle ste dkıtyo hadiro dmoyıd baroyo dukthıd d’Hamas. 

Cabbas mırle ste “a’mkonaydan siyasi u deblomasi u msaybıronuthoyo, ulayban dımharbina wu ha dkomır lo kobıc dsohıf u athro. U medano latyo lu yuthronaydan. Mawxa komarno klozım dkole u qrobo b’Ğaza. Kito ucdo zıd m’200 alfo qtiloye u mçarhe wu medano latyo kyonoyo. Ukito ste 80 aw 90 yaqrotho b’Ğaza dlıfayışlın ucdo şkihutho, awkith lhın kulonoyith mi dayira du nufus mdinoyo. Klozım britho kula dıdco u medano, uklozım dkole u qrobo”.