STOCKHOLM: Taglitho qum rişizgadutho d’Turkiya, tewqido du qurcan da Maşılmone, u Turkoye mawqadlen i otho du Swed
U tewqido du qurcan da Maşılmone b’Stockholm du Swed mu yaminoyo qaşyo Rasmus Paludan, xlıqle hfuxye bıgawe du athro, me Turkiya uman athrawotho Caraboye. Ba hfuxye dmahwelın’ste a mtagliyone Turkoye b’Stockholm, mawqadlın i otho du Swed ubi taglitho dsimo ma Kurdoye’ste, mhalaxle u camo cali sırto d’Erdoğan dfriso cali arco.
STOCKHOLM – İ sbutho di muraçaca du Swed lu NATO, kımahwe dgımşahlıfo a esore diplomatiqoye cam Turkiya dheş lo maqbela u cboro du Swed lu huyodo du NATO. Cala şartat ucalu qedomano d’Ankara’ste, mşarele zawco bu Swed mqabıl d’Turkiya udu cboro du Swed lu NATO.
Qum di rişizgadutho d’Turkiya b’Stockholm, mawqadwole u yaminoyo qaşyo Rasmus Paludan u qurcan da Maşılmone u mqabıl dathe, u rişwazire Ulf Kristersson mawdacle u snodayde la Maşılmone u krıhle u tewqido du qurcan. Bcayni zabno b’duktho hreto di mdito, sim taglitho hreto mqabıl di şultonutho d’Turkiya udu cboro du Swed lu NATO.
Ubi taglithathe, u camo mhalaxle cali sırto du rişqutno Turkoyo dfrisowa cali arco. Ubhaq di taglithathe’ste u waziro di baroyutho du Swed mırle; A provokasyon du İslamofobi, mazicone’ne, elo camathe’ste u athraydan kıtle hirutho du maftahfemo. Mqabıl da hfitwothani dsimi, Turkiya baroyo mahwela hfuxyo u mırla; U Swed laybe dtole ruhe bıthır di hirutho du maftahfemo.
Bebzabno u camo Turkoyo mawqadle i otho du Swed xıd hfuxyo mqabıl du tewqido du qurcan uba mdinotho d’Stanbul u Ankara layımi a Turkoye qum di rişizgadutho du Swed leşan dsaymi u camlano protesto. Camgabe d’Turkiya, athrawotho frişe da Caraboye’ste-xıd Kuwait, Scudiye, Mırsır, Yurdnon uğer krıhlın u tewqido du qurcan.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
