13/02/2025

Suryoye Aid Network International b’tashroro hatho mahkela cala tarımyotho noshoye di shato 2024 reports

11 şutose u tukoso di mcadronutho du camaydan, dıkmidoci bu ışmo mhaydo d’SANİ awkith i Şabake Emwothoyto di Mcadronutho da Suryoye, frısla u taşrorayda dcali şato da 2024. Bu taşrorano bşıkıl rwiho, kımahkıyo SANİ u nişo dkıtla ba tarmıyotho u fulhone dıkmaşyo leşan u snodo wu quyomo du camaydan bıgawe du kenşo, lu camo dıkfoyıt b’haşe, golutho u yaste dıkmi’athır me gunhe du kyono.

13/02/2025

Suryoye Aid Network International (SANI) frısle athmıl u taşrorayde di şato da 2024. U taşrorano dkıtyo 23 fothotho, bşıkıl rwiho kımahke bu şuroyo a şutose frişe dmıdlın duktho b’SANİ-xıd u Slibo Suryoyo, Şlomo, mın nişo kıtte, mın fulhone, inisyative u tarmıyotho mşahılfotho dsımlın bi şato dşafıcina leşan u snodo du camaydan dkıtyo sniqoyo ban athrawotho dan abohothayde.

İ Şabake Emwothoyto di Mcadronutho da Suryoye-SANİ, kımawdıco dkıtne qanice dıklozım dmıxlıq gade du yulfono b’haqle frişe du kenşo wi sniqutho dkito du camo dqodır dımdabır ruhe u dımşawşıt ruhe wu kenşo-dilonoyith bıgawe du maşıqlano, dıkloqe u barnoşo casqotho ba hayayde. Calathe’ste ba 2024, SANİ bşıkıl hfito hawi sanodo lu şuşoto dba mowat yaqrotho du camaydan bnişo dhowele sabro l’dactith bahuro.

Bu taşrorano rizi a tarmıyotho dsımle SANİ bu haqlo du yulfono, bu haqlo di mardutho udu leşono, ftih dawrat du hulmono, du hyoto, du rşomo udu yulfono, tbic kthowe u dftih ganathşabre la tloye u qentrune la yaqrotho u mqadım snodo d’futoho d’şuğlone lan abne du camaydan b’Turabdin u b’Zaxo, Nuhadra wi daşto du Cıraq dqudri dımdabri ruhaye, i iqarthathe wa şbobathe bu haqlo du momuno u bebzabno mqadım mcadrono la dıbhe du yuqdono dhawiwo b’Bağdede ba 2023.

Camathe kle calu snodo dımqadım la dıbhe di zalzale dhawyo’wa b’Turkiya u Suriya meqım 2 eşne u mahıt bote zabnoye la dıbhe dfayişwo dlo bote, mfarıq semde u kerke la yolufe da madırşotho, snidi a more dan arcotho bu haqlo di zarocutho bi Gozarto d’Bethnahrin, snodo du sistem da maye uğer fulhone hrene. B’Lebnon mqadım snodo momuno la farsufe dkıtwın kayiwe bu sartono ubebzabno l’300 yaqrotho djbiri dmahzımi a botathe mcal fothe da taxtuşe haroye dhawın’wo bu taymno d’Lebnon.

Ubi Qahtaniye b’Suriya’ste ftih nuqazto du hulmono-Syriac Cross Medical Clinic dımcadarle hani 2 eşne hol 11.449 kayiwe. Bu zabno du cedo du Mawlodo’ste mqadım duşne l’2,400; beynothaye mfarıq 600 b’Turkey, l’600 tloye bu Cıraq, 600 b’Lebanon u 600 b’Syria. Camani kulle’ste a fulhone di kariwutho dhol 130 tloye kımdawmi. Bu huthomo du taşrorano SANİ komır; Camhıdode gıdcadlina u hulmono, gıdmarkıwina i şalyutho u gıdxulqina sabro lan abne du camaydan u lıgtorina iqartho dfayşo dlo snodo.