Şutose frişe d’MUB b’Swisra adşato hadirewın bu ştand da muklone bu yawmo da falohe dbritho b’Ha Iyor bi mdito d’Zürich

ZÜRİCH, Swisra – Kull şato, kıhodır came frişe d’Swisra lu yawmano da falohe dbrıtho Ha Iyor dıkmitathkır b’tagliyotho u hfitwotho mşahılfotho. Adşato’ste xıda eşne d’meqım, mıştawtafle şutose frişe du camaydan d’Swisra; beynothaye u Huyodo di Claymutho Suryoyto, u Huyodo da Neşe d’Bethnahrin-HNB wu Huyodo Suroyo d’Urifi-ESU lu ştand d’Zürich.

A noqufe da 3 şutosani’ste ftıhwolın yawme d’Hamşo ştand d’3 yawme bi mdito mşamahto d’Swisra-Zürich u adyawma’ste u yawmo haroyo’yo. Bu ştandano’ste kmizabın muklone marduthoye du camaydan. Elo camgabe du zebono da muklone, kmitawdıco’ste i mardutho wa cadat du camaydan.

A 3 şutose du camaydan kowelın’ste esore cama nuxroye dkızzın lu ştand wu kmitawdıc u ağono dkobe u cameydan leşan a zedqayde bu athro ubi golutho u bebzabno lu snodo du camaydan wa şutosayde’yo. U ştandano d’Ha Iyor, kloyanle kull şato ban alfayo dıbbaynoşo.