Tebe b’qfisutho: farsufo du camaydan bi qritho d’Komani axile mahyo me farsufe Kurdoye, cadcido marduthoyo b’Hama, u xer

FARSUFO CAMAYDAN QRİTHO KOMANİ AXİLE MAHYO – Naqa hreto bu qlimo d’Kurdistan du İraq farsufe kurdoye hacimi cala claymo du cameydan u Kaldoyo Suryoyo Othuroyo inaqa dabıc makle a frasufe dhısdiwo a arcotheyde diqritho d’Komani di fnitho d’Amediya. Ba yawmotho d’şaficiwena naqa hret hın kurdoye abiciwo dmaydi arcotho dhın ma abne du cameydan di qritho d’baradaş dkıtyo b’Sersıng du İraq.

CADCİDO MARDUTHOYO B’HAMA – İ mdito Suryoyto Alsıqibliye dıkfayşo bu garbyo d’Hamma sımla u cadcido du diyalog u du quyomo marduthoyo. Lu cadcidano mıştatwtaflın a clayme u claymotho ba lbuşe marduthoye dı lwışwolın bu yawmano.

MDABRONUTHO MABDELA U MNOYO Dİ QAMIŞLİ – Adyoma i mdabronutho yothoyto du garbyo u madınho d’Suriya mabdela u bnoyo du camo dıkhoye bi mdito d’Qamişli. U bnoyona i mdabronutho kıbco dımtahmo mıqa camo khoye ba thumeydan lfuth athe ste mın snodo klosım mqadmole.

QASAD RFIDLE İDİCAT D’TURKİYA – Bi maqırhonutho dhule u malolo da haylawotho d’Suriya demoqratoyto Aram Hanna mırle maglelaln cala dafe du nawlo dı fırsiwo tebe lo şarire bhaq da haylawotheydan. Hanna Mırle a dafani dhani zabno fırsiwo tebe lo şarire bhaq da haylawotehydan kmidabri me Turkiya.