Tebe b’qfisutho: Mor Gewargis masirhonutho, Mor Afrem Karim msalele bi cito d’Mor Zakay, u xer

Mor Gewargis masirhonutho — U hasyo di cito d’Madenho d’Othuroye du İran Mor Narsay Benyamen, masrahle kohno li rocitho di cito d’Mor Tuma u Şliho dkıtyo bi mdito Fardis bu İran. İ masırhonuthathe simo bi cito di hasyutho Mor Gewargis dkıtyo bi arişkoyto Tehran.

Mor Afrem Karim msalele bi cito d’Mor Zakay  — İ qadişutho du fatıryarxo di cito Suryoyto Orthoduksoyto Mor Afrem II kımdawım ba socurwothayde la qıryawotho du cameydan di daşto d’Ninwe. Ba şişalyotho da socurwothani, şafıc i qadişuthayde li qritho d’Mırki u mrayşanle u Qurobo Alohoyo u sımle u futoho du salon di cito.

Sim tarmiyotho-şuğlone camaydan nuhadra  — Sim u futoho d’fulhone di tagorutho bi hiğmonutho d’Nuhadra bu garbyo du Cıraq. A fulhonani mhaydri bu snodo da şutose di mcadronutho udi hiğmonutho.

Mor Butrus Qsis masirhonutho şamoşe Holob  — İ mcalyutho d’Mor Petrus Qsis u efterufo fatıryarxoyo di marcitho d’Holob u hedora di cito Suryoyto Orthoduksoyto, bu Qurobo Alohoyo dsımle masrahle mınyono d şamoşe u şamışyotho bu yawmo d’Mor Gewargis.

Fatiryarxo al Yazici socurutho Hama — İ qadişutho du fatıryarxo di cito Rom Orthodoksoye Mor Yuhanna da casro Alyazici, sımle i socuruthayde i qamyto li fnitho d’Hama b’Suriya. Bu zabno di socuruthathe dsımle la hadome di cito, mqadaşle’ste i cito d’Mor Fetrus u Fawlus dkıtyo bi qastra di Sqilbiye b’Hama.

Bank britho 150 milyare l’Lebnin — U waziro du momuno d’Lebnon Amin Salam, bi maqırhonutho dhule lu tbocofroso mırle; U bank dbritho mıdle fusqono, dobe mo u hamşi mılyune dolare lu athro d’Lebnon, leşan dsoyım u quyomeyde mu maşıqlo casqo dıkşofıc ebe.