Tlib u rişono du Swed Stefan Löven dımıstacfe mi wolitheyde
Bu athro du Swed bu zabno haroyo kowe droşe cali aykanoyutho da grube da caşıryotho u bebzabno, cala qatle, amhoye zaynoye, i tagorutho da gelone mtanwone u ğer fulhone bişe dıkmaşın a grubani.
Bu zabno dkito a droşaniste, kımdawmi a zawce du tewqido du qurcan ba mdinotho du athro mu gabo yaminoyo qaşyo d’Danmark.
Ba droşe dhawın bu parlemneto du athro du Swed bayn da gabe matın lı darğo du gabo da Modarat tlıble du rişwazire du athro du Swed Stefan Löven dmıstacfe mi wolitheyde. Ba droşani bu zoyudo drişi a fawde dkito u dhawın bi sbutho aydarbo a caşıryothani mşataslın ruhaye bu athro du Swed u qay lısim mede mqabıl da zawcani dı cabiri bu sistem du Swed siyasi.
Bi sbuthathe knofiq li holo du Swed klozım maqış a qonune dımqabıl da hawbe dıksaymi a gurube dkıtne kriminel u dkobın husrono lu kenşo. Me gabo hreno u gabo d’Rasmus Paludens Stram Kurs dkıtyo me Danmark kımdawım bu tewqido du kthowo di tawditho maşılmonitho u Kuran.
Bıthır me Malmö ucdo adsafro ha farsufo bi şuqo d’Rinkebi dkıtyo fnitho d’Stockholm mawqadle u kuran camgabe dkımsawır u tewqidano u hiye fothe glitho u bebzabno kito lbuşe acle dkıtyo kıthiwo aclaye sucre li maşılmonutho Fack İslam.
Camgabedathe Paluden mqadamle talab dsoyım hfitwotho dı mawqıd u kuran b’5 fınyotho d’Stockholm, mawxa a pwelıs di erişkoyto du Swed mıdlın tadbire laşan dkolın mqabıl da farsufe dmahwın hfuxyo mqabıl da hfitwothani dımqadamle talab aclaye u hadomo du gabo Danmarkoyo Stram Kurs.
Lfuth i mawdconutho dmıdlan a talabani du tewqido du Kuran heş lı hiw aclaye funoyo lo e u lo lo, bqawe da murajacat kıthiw ftiho dkıbci mawqıdi u Kuran laşan dmaydi u hayf dımqabıl di maşılmonutho dkobo husrono li noşutho