Tre clayme Suryoye qmırlın a muroye şatonoye du Darts dsimi adşato b’Las Vegas d’Amerika

LAS VEGAS / GIESSEN – Josef Tok u Benjamin Budak, cami gudathe dıkmişaklo me 8 farsufe dkıtne bi sagiyoyutho Almanoye mi mdito d´Giessen, mathelın adşato’ste u athro d’Almanya ba muroye du Dart d’ışmaye; Disiplin Cricket Darts.

İ gudathe d’Josef Tok u Benjamin Budak, mishtawtaflae, me 10 uhol 16 du yarho d’Nison li turnuwa da muroyani a şatonoye du Dart dbritho dsimi Las Vegas d’Amerika. La muroye d’adşato, mıştawtafwolın 8.600 farsufe me athrawotho frişe dbritho.

U muroyo haroyo dsim mqabıl di gudo d’Spania, nafiqo i gudo da 2 clayme Suryoye b’zoxutho u hawın a şampiyon dbritho. Bebzabno Josef Tok dkıtyo hfito bu teştcınyano, heş ba 2007 hawiwo şampiyon dbritho u qmırwole’ste 20 naqlat i şampiyoniye du Dart d’Almanya.

Gawonoyith la muroyani dışmaye; Disiplin Cricket Darts, mıştawtaflela qariwo l’tışcalfo bnaynoşo.