Trump mawraxle u zabno di aykanoyutho şnızto du athro

U rişono d’Amerika Donald Trump, mawraxle u zabno di aykanoyutho şnızto du athro, mcalfothe du qento dheş kımşakıl u Iraq li mşaynutho athronoyto d’Amerika.

 Bu mamlo dsımle Trump mırle; gıdımdawamno i aykanoyutho şnızto du athro şato hreto, xıd iqoro lu fusqono dmıdwolan leşan u terkiwo di mşaynutho bu Iraq.

İnaqla qamayto dsımwo iclan aykanoyutho şnızto b’Amerika, bu zabno du rişono catiqo George W Bush 22 bu yarho d’İyor da 2003’we. Ucdo kobıc u rişono Donald Trump, mawrıx u zabno di aykanoyutho şnızto du athro şato hreto, mcal fothe du qento dheş kımşakıl u Iraq li mşaynutho athronoyto d’Amerika.

Ufusqonano xlıqwole zmomo u hfuxye u Bush thımwo, dmadrele Saddam Hussein leşan dmıstafıd mu nafto du Iraq. Amerika mawdacla dkıtne heş masre bu fusqono, dmidawmi a fulhone du terkiwo di mşaynutho bu Iraq, da fulhone du hethotho, du şuşoto da şutose  folitiqoye u momunoye du athro.

Ubi sbuthathe Trump mırle; Gıdmdawamno i aykanoyutho şnızto du athro şato hreto, xıd iqoro lu fusqono dmıdwolan leşan u terkiwo di mşaynutho bu Iraq. Amerika walaw mabdewola fulhone du terkiwo da şutosani du Iraq, elo heş i mşaynutho du Iraq lo rakiwo. Ba zabne haroyaniste sımla Amerika şuhlofe u maslamla hın ma qentrunayda bu Iraq la hayle Iraqoye.