Trump mırle amşihoye falqo ma bazare d’Amerikane

U rişono d’Amerika Donald Trump mawdacle da Mşihoye kmırdofi bu qlimo du madınho mescoyo, u mırle “u mede dkowe laşanaye bi fnitho gunhoyo u cayboyo”.

 Bebzabno, Trump bi maqırhonutho dhule la gelyunore makadle di sbutho da Mşihoye du madınho falqo ma bazare Amerikoye kamiloyo dıkmisomi bu qlimo.

 Athmıl bu knuşyo dsımle lu tboco froso bu Qusro Heworo, ha ma gelyunore mşayele u rişono d’Amerika Donald Trump u mırle “aydarbo kibe u qyomo makthabzabnoyo du şlomo bayn da İmarat Caraboye u İsroyel dımcadır a’Mşihoye dıkmırdofi u dkobın ağuno bu qlimo du madınho mescoyo?”.

Trump hawxa mfanele “kmıtyaqano du medano gıdhowe şuroyo d’maşıqlo rabo. Şroroyo u mede dkımmıt. A’Mşihoye hawi rdufye aclaye mhın athrawotho dilonoyith bu madınho mescoyo. Kmıtyaqano du qyomano gıdhowe şuroyo ğalabe qawyo lu maşıqlo dıbqamuthayna. U medano mawdacliste l’Deved Fredman ula mbayzıronaydan kulle. İda dhozıt lu şıkıl dımqadım ebe la Mşihoye bhın athrawotho, i naqlayo gıdıdcıt du medano ktore u ha dkoyıb rişe”. Trump mırleste “ilothnihutho dkıtlan bi sbutho da Mşihoye dıkmırdofi kımmathlo falqo ma bazare Amerikoye kulonoye dıkmisomi bu qlimo du madınho mescoyo”.

Trump bu mamlayde, makadle du mede dıksaymile hın athrawotho bhaq da Mşihoye gunho bişoyo, u naqla hreto qrıhle di sbuthathe kımmathlo falqo ğalabe rabo ma bazare Amerikoye kulonoye.

Camgabıdathe, Trump mawdacle dıkmıtyaqın du athro da İmarat Caraboye Mhayde gdımqadmo b’şıkıl towo li sbutho da Mşihoye, uba melani mdawamle “a’Mşihoye bu madınho mescoyo lıkmiqadamlın b’şıkıl towo, a’Mşihoye b’şıkıl barbroyo u blokinutho kmiqadamlın. U medano gunho dhani ışne yarixe kmisım. Kmıtyaqano du şuwolano ğalabe raboyo, wi aykanoyuthathe da Mşihoye dlo kinutho yo”.