18/09/2020

Tuma Çelik mqadamle ithbate dsim acle komplo

U qoyumo şaryo du Cameydan bu parlemento d’Turkiya Tuma Çelik  mqadamle ithbate hathe lu mqimdayono dıkmaglın dsim komplo acle bi sbutho di dacwa dıftiho bhaq dithe dmitaqimo i hasinutheyde. Bu tebo dıfris bi sfaryawmo d’Sabro kmitawmır dnafıq ithbate di athto dıftıhla dacwa bhaq dide mahkewola la noşe dkudco dıgtılyo hayf mene cal dılo kobela fotho.

Bu tebano dıfris bhın sfaryawmeste dıkmahwın u mabuco i sfaryawmo d’Sabro u qoyumo hule i ifada lu mqimdayono xıd maqimo i hasinutho dkito acle u mırle u mede dıgmıthımne ebe kule dugle u komployo dsim acli, u tlıble dmısxoro i dacwathe.

Lfuth a dalile dı nafiqi i athto maşkıyonitho meqım dıdco u qoyumo du cameydan Tuma Çelik mşarele dsaymo mamle bhaq dide. Hiya bi ifadeyde mırla bu zabno da ğuboye adicale elo ba kıthawyotho dıkthula cama hawroneyda bi sosyal medya kmahwe dbıthır ma ğuboye bıkmo yarhe adicole manyo.

Bu mamleyda dcama hawroneyda mırla ono krıhmale elo  bıthır mıd lı kobeli fotho onoste gıdtılyon hayf mene bşıkıl mede. Hıdo ma sıbwotho hreneste bi ifade mahkela cal dkıtla qatre cami iqartheyda gıdmarfiyo u gawro elo ba mamle dhawila cama haroneyda kmahwe me zabno rahuqo kıtwola qatro camu gawro u latyo mede hatho.

Ba sıbwotho da kıthawyotho dı nafiqi li holo kmahwe di athtathe dıktıhmo u qoyumo du cameydan Tuma Çelik mahkela ğalabe mamle mşahılfe acle la hawroneyda mawxaste u qoyumo bi ifada dhule calu darbo da sniğreyde komır i athtathe komployo sımla mawxa ktolabno di sbuthathe dmısxoro bnaqa hıdo metul dlayt mede ma thome dıksaymo dkıtne trise u lo fayıt esore ğınsoye bayn eli u li athathe.

Xıd kıtyo idico ba yawmotho dbıthır mıd hawyo i sbuthathe nafıqwo li holo surotho di athathe camu waziro di gawoyutho du athro d’Turkiya Suleyman Soylu.

Check Also

U gayso Athronoyo d’Suriya dıkmısnıd me Turkiya msıkle bu yarho d’İlul d’şafıcina hol 52 farsufe

U tukoso da zedqe noşoye leşan i şrorutho wi kinutho da Suriye, frısle taşroro calu mınyon…