15/04/2022

TURCABDIN: Makle u qtoco da dawme di qritho Suryoyto d’Bethqustan u Derqube

U hiğmuno d’Merde Mahmut Demirtaş bi egartho dıfrısle mahwele dmaklelın u qtoco da dawme da turone di qritho d’Bethqustan b’Turcabdin b’Turkiya. Bi sbuthathe Suroyo TV mawdacwole u qtoco da dawmani da turone di derike u be bzabno hawiwole esore cama mşale du qlimo.

15/04/2022

BETHQUSTAN U DERQUBE, Turcabdin – A mşale di nuqazto da cobe dkıtyo b’Mıdyad u Merde mıdwolın fusqono dı qutci a dawme da turone di qritho d’Bethqustan u Derqube, i sbuthathe u froshızwo d’Suroyo maşmacwole u tebano u be bzabno mawdacwole a hfuxye da şutose du cameydan la mşale du qlimo.

Bıthır mıd fris u tebano a şutose u farsufe mu cameydan mahwelın hfuxyo calu qtocano da dawme u dilonoyith u qoyumo du cameydan bu parlemento d’Turkiya Tuma Çelik mqadamwole rmoyto u frıswole video dsımwole qrayto li şıltonutho dmakılyo u qtoco da dawme da turone da qıryawotho du cameydan.

Bu zabnano a şutose du cameydan cama hdode mşadarwolın egartho mşawtafto la mşale di şiıltonutho d’Turkiye dmahwelın u hfuxyathe mqabıl du medano. Bıthır ma hfuxyani u hiğmuno d’Merde Mahmut Demirtaş mşadarle u fusqono dmıdlın dı maklın u qtoco da dawme da turone d’Bethqustan u Derqube b’Turcabdin.

Bi sbuthathe u gılyunoro şaryo Gabriel Ağırman mu Swed frıswole a tebe da hfuxye dmahwelın a şutose du cameydan.