TURCABDIN: Sim u cufoyo du claymo suryoyo Fikri Töre bi b’Midın
MIDIN, TURCABDIN – U claymo Suryoyo Fikri Töre dımqafewo mitho mi zalzale dımhewola b’Adiyaman, mcafe athmıl bi qritho d’Midın b’Turcabdin.
Lu zawho du cufoyayde dsim bi cito d’Mor Yahqub d’Midın, hadır u hasyo di marcitho d’Turcabdin Mor Timothawos Şmuel Ataş, u mıştawtaflele menyono celoyo d’kohne u dayroye u camo dhadiri ma qıryawotho frişe du qlimo.
Bıthır mıd kamilo i slutho du cufoyo, i şlado du Fıkri mahto ba bethqbure di qritho.
U Fikri dcımre 28 eşne, u abro d’Barso u Meryam Töre’we u kıtle 5 ahunone; beynothaye qaşişo Mixael Töre dkıtyo b’Stanbul u tarte ahwotho.
U Fikri qrewole bi bethsawbo di mdito d’Çanaqala u ferco du turizm. Ubu zabno dhawyo’wa i zalzale, kıtwole kurs bu hotel d’İsias bi mdito d’Adiyaman dhzela husrono rabo mi zalzale dhawyo’wa 6 bu yarhano.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
