10/07/2021

Turkiya ba hçome dıksaymo larwal ma thumeyda kobo husrono la came dıkhoyın ban athrawotho hrene

Turkiya ba hçome dıksaymo larwal ma thumeyda, kobo husrono la came dıkhoyın ban athrawotho hrene xıd Suriya wu Iraq.

Ba hçome dıkmdawmi ma hayle kaboşe d’Turkiya calu garbyo du Iraq, kmawqıdi an arcotho wa karme da qıryawotho du cameydan. Wu cal di şultonutho du qlimo’ste lıksaymo mede, kmıjbori a abne du cameydan hııne dmatfın i nuro.

Cal ışme da hçome dıksaymo Turkiya calu gerilla di PKK bu garbyo du Iraq, kısaymo’ste hcome cala qıryawotho du cameydan u Kaldoyo Suroyo Othuroyo. Bu hçomo haroyo dsımlın a hayle kaboşe d’Turkiya, mawqadlın hdo ma qıryawotho du cameydan dıknuflo bi fnitho d’Nahla b’Nuhadra.

Ba hezwone dfrisi bu tbocofroso kenşo’yo kmahwe ftiho, aydarbo a comure di qritho knufqi larwal leşan ba mkone nacime dkıtte, dmatfın i nuro. Hathe latyo inaqla qamayto d’Turkiya ba hçomayda dcali PKK kmaqitho nuro ba qıryawotho du cameydan.

Me gabo hreno a mşale di dukthoste lıkowın sanode bu tetfiyo di nuro dkuwyo ba qıryawotho du cameydan. Mawxa jbiri an abne du cameydan b’qarce druhaye dmaxlısi a qıryawotho, a karme wan arcothathe mu yuqdono. Elo camhbol latte mkone makfıyone leşan dmatfın i nuro ubu şıkılano, ğalabe arcotho u karme du cameydan kıyuqdi.