Turkiya mahwela hfuxyo mqabıl du zedqo di barmothoyutho dhiwo l’Öcalan

I karxutho d’İtalyo Fosalto hula barmothoyutho lu rişono di PKK Abdullah Öcalan dkıtyo bu hbuşyo b’Turkiya.

Bıthır mu tehwiyo di barmothoyuthathe Turkiya mahwele hfuxyo qaşyo mqabıl d’İtalya.

 Bıthır me fulhono d’4 ışne dsimi bi karxutho d’Fosalato d’İtalya u mawtbo di karxutho fsıqlın dobın barmothoyutho mşawtafto lu rişono di PKK Abdullah Öcalan dkıtyo bu hbuşyo d’İmralı d’Turkiya. Bıthır mu fusqonano Turkiya mşarela xıd qulnaqqa dmahviyo hfuxyo mqabıl du fusqonano di karxutho d’İtalya d’hula b’haq d’Öcalan.

Zıttır u mede d’maqharle Turkiya bu zabno du tewdico du fusqono kıtwo u rımzo du gabo di PKK’we, metul d’bi maqırhonutho dhula i wazirutho di Baroyutho Turkiya kımmo u medano urifi ksaymole laşan dfıthi darbo li ruşmoyutho qumud du gabo di PKK’ yo.

Turkiya kımmo u fusqonano latyo u fusqono qamoyo lo u haroyo da şutose d’Urifi kmaydi bi sbuthathe mawxa knıtrina dhowe fulhone mşahılfe mqabıl di marıhbonutho.