Turkiya maklela i mcadronutho du tboco froso da qalilotho

B’Turkiya adşato lo mqadım snodo lu tboco froso da qalilotho.

 A sfaryawme wa mğale da qalilwotho dı Turkiya bu zabno du kewo di korona bcasqutho rabtho qıdri dsaymi u frosathe.

İ mğaltho Suryoyto d’Sabro dıkmıfroso b’Turkiya bu tebo dı frısla mawdacla u Şutoso du tboco froso dı Turkiya kul şato dıbewo snodo momunoyo lu tboco froso da qalilotho, adşato lıgımqadım u snodano.

U şutoso du Tboco Froso şutoso di dawleyo dkıtle i mşalutho bu ferojo ruşmoyo da iclane. Mi şato da 2011 kımqadamwo snodo lu tboco froso da qalilotho. U fusqono di mcadronutho kmimıd ba sicotho celoye du şutosano.

Bu knuşyo di şato du mawtbo du şutosano mıdwo fusqono du snodo elo bu knuşyo dsim 18 bu yarho d’Teşrin u haroyo dşafıcina lo mid fusqono du snodo. Wu knuşyo hreno gıdmisım bu yarho dı Şbot da 2021.

Asfaryawme da qalilwotho bu zabno du pandemi bşartat casqe kımnasın dsaymi u frosathe u tlıbwolın u snodo dmiqadım meqım mu zabnathe. Latyo idico qay lımqadım u snodo dıkmitahwe qul naqla.