U Athro di Scudiye mşatasle haylo fulhoyo da Neşe

Kamıl u yulfono du ğrob qamoyo da hayle folhoye da neşe bi Scudiye.

U ğrobano, mşarewole bu yulfonayde u folhoyo 30 bu yarho d’İyor u athmıl kamıl bu qentrun da droşe folhoye da neşe qadrowiye.

Ğalabe man athrawotho d’britho kıtte hayle folhoye da neşe-wi sagiyoyutho da haylani, lıkmıştawtıfi la wahde du qrobo xıd Mharbonyotho elo kıtte zıttır ğer wolyotho bıgawe du gayso. İ Scudiye dkıtyo ha man athrawotho dkıtwole holucdo qonune qaşye dilonoyith la neşe, mşatasle ucdo haylo folhoyo da neşe.

Athmıl mkamele u ğrob qamoyo da neşe folhoye di Scudiye i dawrathe du yulfono dımdawmla 14 şabe. U yulfonano’ste mıdde a neşe, bu qentrun folhoyo da droşe da neşe qadrowiye. U rabhaylawotho di Scudiye Cadel al Balawi dıkhoyır calu fulhono folhoyo, sımle mamlo cali tahrazto du yulfono da neşe folhe.

Al Balawi mırle; Mhalqo i dawsathe, fluth u standard Emwothoyo bnişo dmikamli a sniqwotho da neşe wu nişo di tahraztathe, dmişawşıt u dactithathe’yo. Bıthır mu mamlano, rabhaylawotho hrene, mqadamle a tahınyothayde la neşe d’yimelın li wolithathe i hathto.

Bu yarho d’Şbot d’şaficina, ftıhwola i Scudiye mkono la neşe dmaydi duktho bi folhutho. U camaydan d’hrim ba dukothayde a makthabzabnoye, bi Gozarto d’Bethnahrin mşataswole meqım 6 eşne a Haylawotho du Sutoro da Neşe d’Bethnahrin, dhuwlın ağono mqabıl d’Dacış u dıksaymi u sutoro da dukotho uda qıryawotho du camaydan.