U athro d’Sri Lanka gıdmonıc i burka da neşe maşılmone

U athro d’Sri Lanka mabdele fulhone, dmonıc i burka da neşe Maşılmonyotho du athro.

Bebzabno u athro mbayanle’ste plan, d’soxır hol alfo madraşyotho dıkmawlıfi u yulfono Maşılmono.

İ şultonutho d’Sri Lanka mawdacla i celtho du fusqonano dmıdde bi sbutho du mnoco di Burka udu sxoro dhol alfo madraşyotho du yulfono Maşılmono, leşan dmitaqwıyo i mşaynutho du athro’yo. U waziro di mşaynutho gawonoyto d’Sri Lanka Sarath Weerasekara m’akadle, di şultonutho mdela amro du mnoco da lbuşani da neşe Maşılmonyotho.

U waziro mawdacle, da lbuşe mkasye da neşe Maşılmonyotho, kıtte tathir baroyo cali mşaynutho athronoyto cal dkıtne remze di tawditho tuhmonoyto. U fusqonano maslıq ucdo lu parlamento leşan dmi’ayıd u dşofıc xıd qonuno bu athro wu mid 2 eşne, bıthır ma hçome marhıbone dsimi cala hotelle ucala citotho Qatholiqoyotho b’Sri Lanka.

A ğrobe marhıbone d’Dacış dmıdwolın i mşalutho da hçomani dhawınwo celtho lu qatlo dhol 250 farsufe. A madraşyotho du yulfono Maşılmono’ste kmıthomi dlıkmtabqi a xtute wi tahrazto athronoyo du yulfono u latne’ste bşıkıl mtakso-mqayde bu athro.

Sri Lanka- mıştacmırowa me Britania ban 1796 u mıdwola i şaryuthayda ban ban 1948 uban 1972 hawyo’wa i qutnutho d’Sri Lanka. U athro kıtle hol 20 milyone dıbnaynoşo-70% masre’ne bu Buddhism, 9.7 Maşılmone, 6.2 Mşihoye Qatholiqoye, 1.4 me mathabe Mşihoye u kito’ste ğer tawdiyotho hrene.