06/05/2020

U athro du İran mşarele dmanqıs u haylayde b’Suriya

U İran mşarele dmanqıs u menyono da haylawothayde udımaxle hın ma nuqazyothayde a’folhoye b’Suriya.

Hathe i naqla qamaytoyo dkımhalıq u İran i dawsathe mu zabno dımşarewole u qawmo b’Suriya i şato da 2011 uhul ucdo.

Mabuco folhoyo İsarloyo mawdacle du İran i naqla qamaytoyo mi şato da 2011 kımşare dmanqıs u haylo dkıtle b’gawıd d’Suriya. U mabucano u İsarloyo dlımathkarle ışme, bi maqırhonutho dhule li sferyawmo d’Yedicut Ahronot mawdacle du İran manqasleste i kmoyutho du zayno dkımşadarle ba tayisyotho l’Suriya. Elo lımathkır ida da hçome İsarloye awste u kewo du virus d’Corona i celtho du tenqiso du haylo İranoyo b’gawıd d’Suriyayo.

Lfuth u tboco froso du gayso İsarloyo, ahaylawotho İranoye dkıtne sanode du rejim hawın ucdo qetro l’Suriya, wi şultonutho dı Darımsuq kul dıkşofıc u zabno kzoyıd u timo dkobele mqabıl di ithutho folhoyto İranoyto wu qrobo dkito calu İran b’gawıd d’Suriya.

Be bzabno, u tboco froso du gayso İsarloyo mawdacle da hçome d’İsroyel gdımdawmi hul dnofıq u İran m’Suriya. Wu nişo da hçomani latyo balhude u zayno dıkmitahzım mu İran l’Suriya, elo u nişaththe i ithutho folhoyto, u benyono tahtoyo wa rişone du İranne.

Camgabıdathe, matibono folhoyo İsarloyo bi maqırhonutho dhule li sferyawmo d’Macarif mawdacle du gabo Lebnonoyo d’Hizballa ba yarhe haroyani maqwele u haylayde wi moruthayde b’Suriya zıd du İran.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…