U athro du Yawnan mkamele u bnoyo du şuro dcalu thumo d’Turkiya

U athro Yawnan, mqabıl di golutho dkibe dhuyo me Afğanistan mkamele u bnoyo du şuro dcalu thumo d’Turkiya.

U şurano dkıtyo 40 kilmıtre, kito ntırto dkole qamuthıd di golutho lo qonunoyto dhuyo lu athro du Yawnan.

A mmathlone Yawnoye mawdacce, bu zabno dıkımdawmo i zıctho mi golutho dkiba dhuyo bıthır mıd a Taliban dmıdde i mdabronutho d’Afğanistan, xalıs u bnoyo du şuro da 40 kilometer dcalu thumo d’Turkiya, u marku sistem du duyoqo bu şurano.

U waziro dkıtyo mşalo dnofıq moro la bnaymothoye du athro Michalis Chrisochoidis bu zabno dsımle socurutho lu şuro dıbne calu  nahro d’Meriç mırle ” mqabıl di golutho dkiba dhuyo me Afğanistan lıgıdfayşina kalye. Bıthır mocdo a thumaydan laybe dmidoşi”

Atina kıtla kaşlo da galwoye dkıbci dmahzımi me Afğanistan mcal Turkiya gıdızzın lu thumo du Yawnan.

U waziro du Sutoro du Yawnan Mikos Panayotopoulos wu waziro da fulhone gawoye Mihalis Hrisohoides athmıl sımwolın duyoqo u şuro du thumo Turkiya u Yawnan.

U şurano dkıtyo 40 kilometer 6 metrewiye macmıq tahti yarco, 5 mıtrawiye celoyoyo u bne ma şafuthe du hadid.