U Bethdino celoyo d’Turkiya heş lule fusqono cali cito d’Ayasofya

Adyawma dkıtwe u yawmo du bethdino celoyo d’Turkiya dıgmoyadwo fusqono bhaq di cito d’Ayasofya, mşarelın a hfuxye dıqoşın mqabıl di şultonutho.  

 U bethdino dıgdobewo fusqono, en Ayasofya gıdfayşo bethcatiqotho aw gıdmisomo masığdo da Maşılmone xıdu mede tlıbwole Erdoğan.

 Adyoma dkıtwe u yawmo du fusqono du bethdino celoyo d’Turkiya bhaq d’Ayasofya mın gıdhowe mena u malolo di şıltonutho du Yawnan mzaharle Turkiya bi sbuthathe u mırle, kımzahrina Turkiya bu fusqono dobo bhaq d’Ayasofya dkibe xolıq frişutho rabtho bayn dibritho mşihoyto u l’Turkiya.

Bi maqırhonutho dhule u mamlo di şıltonutho du Yawnan Stelios Petsas  lu tboco froso bu yawmano du bethdino d’Turkiya gıdfosıq u dactid d’Ayasofya mırle: Ayasofya qoyumto di yurtutho dı brithoyo, adyoma ahna xıda athrawotho hrene baynothaye Amerika kımzahrina Turkiya bi sbuthathe dlıtıryo dhowe frişutho rabtho bayn ela u li britho mşihoyto.

Bi sbuthathe u waziro di baroyutho d’Amerika Mike Pompeo mırwole Turkiya klozım tıryo Ayasofya duktho bethcatiqotho. Me gabo hreno bi maqırhonutho dhule u fatıryarxo Bartholomawos mırle, en Ayasofya dmişahlıfo lı masığdo ba mılyune dı mşihoye gmaydi klayto mqabıl di maşılmonutho.

Bi sbutathe heş u bethdino lo maglewole calu fusqono dmıdle elo mawdacle b’zabno da 15 yawme gıdmitawdıc u fusqono dmıdlın adyoma ba şoce dı safrayto.

Bi sbuthathe latyo inaqa qamayto du bethdino d’Turkiya kmoyıd i sbuthathe li ido elo hul adyoma heş lısim şuhlofo bıthır mıd mıdwo fusqono dı fayşo bethcatiqotho u dhuyo lkulnoşe ftıhto.