U bethdino da hawbe d’London, hzele u marhıbono d’Dacış Cali Harbi Cali moro d’hawbo
U bethdino da hawbe d’London d’Britania, hzele u marhıbono Cali Harbi Cali moro d’hawbo, calu qatlo du qoyumo David Amess u calu plan dkıtwole dımtayıb hçome hrene marhıbone bu athro. U fusqonano du bethdino mid athmıl, belhude bıthır 18 qatinotho d’buqore camu thimoyo.
LONDON – U bethdino qentrunoyo da hawbe b’London, fsıqle u sanodo da ğrobe marhıbone d’Dacış Ali Harb Cali dkıtyo 26 eşne umu şerşo me Somalia, moro du hawbo du qatlo du qoyumo David Amees dkıtwe cımre 69 eşne bu zabno dqtılwo eşqad.
U qatlano du qoyumo Britanoyo, xlıqwole şok bu athro u mıdwo bu tarano tedbire casye leşan u duyoqo di mşaynutho da folitiqore. U bethdino mawdacle d’Ali mafıtwole eşne bu tuyobo du plan du hçomano dcalu folitiqoro u mdafacwole u mede dsımwole.
U folitiqoro qtil, cal dım’ayadwole dmitabde cuqobe oyaroye cala marhıbone b’Suriya. Camathe’ste u bethdino m’akadle, d’Ali hani eşne mhaydarwole ruhe ba 2019 dsoyım hçome cal folitiqore hrene bu parlamento d’Britania. Elo bu tebano lo mawdıc kmo eşne mçaze u marhıbonano mu bethdino d’London.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
