17/12/2020

U Bethdino d’Fransa fsıqle cali dacwa d’Charlie Hebdo

U bethdino d’Fransa, fsıqle dan 14 thimoye dsımwolın uhjomo cali mğaltho d’Şorli Ebdo (Charlie Hebdo) ba 2015, more d’hawbone.

 İ claymtho dıha ma hayobani dıqtılwo mu polis bu zabno du hjomo, hkimo l’30 eşne hbuşyo. Elo i marhıbonitho, heş meqım dmımsoko, mahzamwola l’Suriya.

Beyn dan 14 dıhkimi mu bethdino, şawco menaye mjazın dsımlın hawbe di marhıbonutho. Beyn da şawco farsufani dıhkimi l’30 eşne hbuşyo, kito Hayat Boumedin dkıtwa i claymtho dıha farsufo dsımwole uhjomano.

7 bu yarho d’Konun u haroyo da 2015, hjımwole u ğrobano cali mğaltho Franşoyto d’Charli Hebdo u cal dukano du muklo. Bu hjomano, qtılwo 12 farsufe u 11 hrene mjarhiwo u bıthır yawmoste, qtılwo polis Franşoyo. Cayni hayobo, qtiwole bıthır tıre yawme, arbco farsufe hrene bı dukano da Yudoye.

Atlotho hayobe dsımwolın ahjomani qtiliwo bu cuqobo dsımwole u polis aclaye u msıkwo 14 hrene dhawiwolın sawco ba hjome. U bethdinano dımdawamle tlotho yarhe, kmifaşıq makthabzabnoyo cal griş bu video.

İ marhıbonitho Hayatste mahzamla l’Suriya u mıştawtafla la marhıbone d’Dacış u kito 2 hrene dıhkimi mu bethdino, dheş kmıkrıx aclaye. Uhjomano sımwo cali mğaltho d’Charlie Hebdo, bıthır mıd frıswola karikature calu nbiyo da Maşılmone Muhammad.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…