05/12/2020

U Bethdino d’Hungaria mjazele marhıbono d’Dacış

Bethdino d’Hungaria, mjazele marhıbono d’Dacış cımre kule lu hbuşo, cala hawbe dsımle b’Suriya.

 Bıthır ma tahwiyotho dmalimi me 10 farsufe dıkhoyın b’Beljika u b’Malta cala hawbe dsımle u marhıbonano b’Suriya, fsıqle u bethdino d’Hungaria u marhıbonano dkıtyo cımre 28 eşne, cımre kule lu hbuşyo.

 Bethdino qlimoyo d’Hungaria, hkımle u marhıbono d’Dacış F.Hassan cımre kule lu hbuşyo. U marhıbonano dkıtyo cımre 28 eşne sımle hawbe di marhıbonutho, hawbe mqabıl di noşutho; beynothaye hawbo du nhoro d’malla b’Suriya ba 2015

U marhıbonano dkıtwe mşalo b’Dacış b’Hımıs u hedora, mıştawtafleste lı hawbe barbroye frişe dhawın celtho lu qatlo d’25 farsufe; beynothaye neşe u tloye. U marhıbonano mjaze, bıthır ma buqore dsimi cam 10 sohude me Beljika, Malta u me Hungaria dkıtwın galwoye b’maşritho du Yawnan

Lfuth u sniğrayde, a ithbate dmalimi kulle a vidyowiye du qatlo, a telefone wa tahwiyotho latne makfıyone lu hkomano du marhıbono. Lfuth u nomuso d’Hungaria, u çızza du cımro kulle bu hbuşyo 30 eşneyo.

Mawdıc du fusqonano du bethdino d’Hungaria, kibe dhowe mathlo towo lğer athrawotho d’Urifi, dı qudri dhukmi marhıbone d’Dacış cala hawbe dsımlın bğer athrawotho. Almanyaste hkımla meqım mınyono d’marhıbone d’Dacış dı daciriwo me Suriya u mu Iraq lu athro.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…