U camaydan bı urifiste mcayadle u cedo di qyamto

U camo Suryoyo-Othuroyo wa came hrene dı britho hani tarte ışne, kmafiti u cedo di Qyamto d’Moran Yeşuc mşiho tahte du telolo du kewo di Corona.

Ba falqe du athro d’Bethnahrin u cameydan hadır ba Qurbone Alohoye du cedo di Qyamto, elo ban athrawotho di golutho u cameydan lo qadır naqla hreto dhodır ba Qurobe uba slawotho di şabtho da Uşacne u di Qyamto.

Bu daşto d’Ninwe ba qastrat uba qıryawotho dıkhoye u cameydan bi sagiyutho, mcayadle u cedo di Qyamto ba Qurobe Alohoye uba slawotho. Bu falqano du athro u cameydan naqla hreto mahwele dkobıc dhoye haye mşayne bu athrayde, metul cıl ma tadbire di Corona, mlewole a citotho u mafıtle a Qurobe Alohoye ba qole di Qyamto uba hulhole da neşe.

B’Turabdin u cameydan u Suryoyo mcayadle adşato u cedo di Qyamto ba slawotho uba Qurobe Alohoye dımtaybi ba qıryawotho uba qastrat dıkhoye u cameydan, wu qoyumo du cameydan bu parlamento d’Turkiya Tuma Celik’ste mcayadle u cedo du cameydan du qlimo bu feroqo d’bece cam klica lu camo. Elo b’Stanbul u cameydan adşato lo qadır dımsale b’hirutho ma tedbire di Corona dmahti bu zabnano.

Ba athrawotho di golutho’ste u cameydan lo qadır dmıştatwtıf la slawotho ula Qurobe Alohoye dsimi ba slawotho di şabtho du haşo ubu yawmano di Qyamto.

Bhın ma citwotho du cameydan di golutho camgabe dfrıslın a slawotho bu darbo du nawlo, mhadarwolın hfitwotho dilonoye lu yawmo di Sqifutho dmahatlın u nahşo d’Mşiho larwal ma citotho, leşan u camo ba radoyotho dqodır dfoyt tahte u dmiqadış.

Bebzabno bi sbutho du tehwiyo du fağro’ste a kohne b’yawme d’Şabtho d’Nuhre mcayarlın zabno yarixo lu camo, dhodır ha bha ulo ba qaflat leşan dmoyıd u fağro qadişo. Gawonoyith larwal ma faqle du athro d’Bethnahrin, u cameydan lo rğışle ğalabe bu cedano, cal dlazze la citotho u dhose hdode u dımcayıd i Qyamto d’Mşiho.