14/06/2021

U camaydan dıkhoye bu Iraq u bu athro d’Almanya mathkarle a sohde du Sayfo

U camaydanste dıkhoye bu Iraq u bu athro d’Almanya  mathkarle a’106 ışne du qtolğenso du Sayfo.

Bu qurobo alohoyo dımtayıb bi mditho d’Caynkawa bu Iraq, u bi cito d’Mor Dimet d’Hamburg d’Almanya maqım teşmeşyotho u sim mamle calu duxrono du Sayfo.

Bu Siqumo d 13.06 bi rishonutho du Kuhno Abuna xuroyo Hanna Can, xud Rishono du Mawtbo di cito d´Mor Dimet Süleyman Aydogdu cami jamaca di cito, Yawme d´Hushabo Maqimme Teshmishto, cali Ruho da Sohde du Sayfo.

Bithir mu Teqimo di Teshmishto, Abuna u xuroyo Hanna Can, bi Koruzutho d´Simle, Mahkele Gawonoyith calu Sayfo, u Dilonoyith calu Sayfo d´Hawi bi Qritho d´Zaz.

U Kuhno bi Koruzutho d´sımle, grishle u zuhoro du camo d´kitwa hadiro bi cito, xud Farsufe d´Kitne a Abne u Abnotho, da Abohothathe d´Maxlasse mu Qtolcamone. mawxa´ste kul Emo aw Babo diglozam Howalle i Wolitho, d´Mulfi La Nacimathe izbutho du Sayfo du Qtolcamo dsim calu camaydan u d´Macish i´Mardutho u Uleshono  Suroyo bu Beyto.

Megabo hreno, u rişono di marcitho d’Mawsal ud’hedora di cito Suryoyto Ortodoksoyto hasyo Mor Niqodimos Dawud Matti Şaraf, athmıl casriye mrayşanle u qurobo alohoyo dımtayıb bi cito d’Yuldath Aloho d’Im Alnur bi mditho d’Caynkawa b’Arbil, bi cohnutho da 106 ışne du qtolğenso du Sayfo.

Lu duxrono du Sayfo mıştawtafle ste a’kohne di marcitho, şamoşe u şamışyotho wi gudo du koral di cito uba casrowat dımhaymne ma n’abne di marcitho Suryoyto d’Caynkawa.

Hasyo Mor Niqodimos Dawud Şaraf bu mamlo dsımle bi koruzuthayde, kali cali ulsoyutho di sohdutho ba haye di Mşihoyutho, ub’iqoro rabo mathkarle a’sohde du Sayfo, u mawdacle di cito emhoyto dımşatso calu admo da sohde kımdawmo ucdoste dmaştiyo u cafro mbarxo d’Bethnahrin bu admo da n’abnayda dkımdafci u athraththe, i hiyoyuthaththe wi haymonuthaththe mqabıl di tuhmonoyutho bceldboboyto.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…