20/05/2020

U cameydan du Xabur kzoyıc dtofın a yuqdone lanarcothathe

U camaydan dkıtyo bi fnitho du Xabur bu garbay madınho d’Suriya, kıtle zuctho rabtho ma yuqdone du mahsul dıtofın lanarcothathe di zaricutho dkımmathli u asas di ciyeşathe.

Bi maqıblonutho dsimo cam farsufo mu camaydan dıkhoye bi qritho dı Tel Tawil, mawdacle d’ğalabe fşitoyo d’yoqıd u mahsulathe, cal dkıtyo qariwo mu gbino du qrobo dcama grube marıhbone dıkmısnodi m’Turkiya.

Hani hamşo yawme u gayso kaboşo dı Turkiya wa çatawiyayde kımdawmi bu tewqido danarcotho di zaricutho dıknıfli bu macırbo ubu garbiyo di mditho dı Tel Tamır. U mawxaste a’comure du camaydan dıkhoyın bi qritho dı Tel Tawil bu Xabur, kıtlın zuctho rabtho dıtofın ayuqdonani lanarcothaththe di zaricutho dıknıfli calu xtuto du gbino du qrobo dcama grube marıhbone dıkmısnodi m’Turkiya.

Mansur Cisa dkıtyo farsufo mu camaydan dıkhoye bi qritho dı Tel Tawil bu Xabur, bi maqıblonutho dsimo acme, mawdacle dıkcayşi ucdo b’zuctho rabtho, cal du mahsulathe kibe d’yoqıd bayna zabno dhowe mi celtho dıknofıl calu xtuto du gbino du qrobo mqabıl da marıhbone.

Cisa mırle “ahna amdinoye dkıtna morıd darcotho kcayşina ucdo b’şartat ğalabe casqe, cal da yuqdone baroyo kımhadıdi u mahsulaydan da hete uda score”.

Cisa mawdacleste da çatawiye dı Turkiya bidactho kmawqıdi anarcotho di zaricutho ba qıryawotho dıkbışilın hedor di fnitho dı Tel Tamır ud’Rişcayno, u mawxaste i naqla dhowe hawa u calcole ayuqdonani gıdtofın la narcothathe.

Camgabıdathe, Mansur Cisa bi maqırhonuthayde sımle qroyto la şutose di mdabronutho yothoyto, dmiqadamlın mcadronutho bu maşıqlano ducdo, cal da comure di fnitho du camaydan du Xabur kmaydi i zaricutho xıd asas di ciyeşathe i momunoyto.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…