U fatıryarxo di cito dan Armınoye Qatholiqoye Mor Ğriğoriyos Futrus da 20 Gabroyan mşanele

U fatıryarxo di cito dan Armınoye Qatholiqoye Mor Ğriğoriyos Futrus da 20 Gabroyan, mşanele bcımro d’86 eşne bi mdito d’Beyrut d’Lebnon.

İ slutho du cufoyo du mnohnafşo, gıdmisım yawme d’Şabtho 29 bu yarhano bi cito d’Mor Ğriğoriyos wu gıdmicafe bıthır ba bethqbure da fatıryarxe dkıtyo bi cito d’Yuldath Aloho b’Bzommar-Kerserwan b’Lebnon.

U fatıryarxo di cito Armnoyto Qatholiqoyto Mor Ğriğoriyos Futrus da 20 Gabroyan, mşanele athmıl bi arişkoyto d’Lebnon Beyrut b’cırmo d’86 eşne. Yawme d’Cruto, gıdmitahwe aftho lu camo dtolıb xatır mu fatıryarxo bi fatıryarxutho dkıtyo b’Beyrut.

İ slutho du cufoyo, gıdmisomo yawme d’Şabtho 29 bu yarhano bi cito d’Mor Ğriğoriyos u Mor Elias u bıthır gıdmınqıl u fağrayde la bethqbure da fatıryarxe dkıtyo bi dayro d’Yuldath Aloho b’Bzommar-Keserwan. U mnohnafşo masrahwo u fatıryarxo da 20 di cito Armınoyto Qatholiqoyto 9 bu yarho d’Ob da 2015 bıthır mu şunoyo d’Mor Nerses Bedros da 19 Tarmouni dımşanewole eşqad.

U mnohnafşo Gabroyan mawladwo b’Holob ban 1934 u mıdwole yulfono b’Lebnon u b’İtalya u mıdwole i sohduthayde di falsafe, di theoloğiya uban 1959 dacırwo l’Lebnon. ban 1960 sımwole i mdabronutho di dayro d’Bzommar u mıdwole ğer wolyotho hrene di cito. Ban 1967 mşadarwo l’Fransa u bıthır şato, masrahwo hasyo.