U fatıryarxo di cito Suryoyto Malkoyto Orthodoksoyto simle qroyto du snodo lu camo sniqoyo
U fatıryarxo di cito Suryoyto Malkoyto Orthodoksoyto Mor Yuhanun da 10 al Yazıji, sımle qroyto lan abne di marcithayde d’sonıd an ahunone u ahwothayde dım’athri mi zalzale qşitho dhawyo b’Turkiya u Suriya. Bi egartho dfrısle i qadişuthayde, grışle u zuhoro calu husrono rabo dtrela i zalzalathe ba mdinotho d’İskenderun, Mersin u Antakia.
DARAMSUQ – Camgabe da şutose du camaydan, u fatıryarxo di cito Suryoyto Malkoyto Orthodoksoyto Mor Yuhanun da 10 al Yazıji frısle egartho calu gunho rabo du kyono dhawi b’Turkiya ubu garbay macırbo d’Suriya.
Bi egarthayde u fatıryarxo sımle qroyto lan abne di citayde u mırle; “Zalzale qwitho mhela u taymno d’Turkiya wa zalzalat dhawın bıthır’ste m’athrlın cal Suriya. Mi celtho di zalzalathe mvayacle mınyono celoyo dıbnaynoşo a hayathe u huwla husrono rabo la bote dan abne di marcithaydan ula citothaydan b’İskenderun, Mersin u Antakia.”
U fatıryarxo al Yazıji tlıble man abne di marcithayde dımsale la mithe, la mçarhe la dıbhe kulle u dımcadri a sniqoye dfayşi dlo bote u dfıthi a tarcathe lu camo. Camathe kıtulbina dmisım buhone calu husrono dhawi u dmitakıs fulhone cami hasyutho leşan i mcadronutho u bnişo dmitahwe awyutho camu camo dım’athır.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
