U federasyon da Oromoye b’Swisra wu Waqıf d’Nsibin, mtayablın u duxrono şatonoyo da 110 eşne du Sayfo

SİEBNEN, Swisra – 15 bu yarhano d’Hziron, dkıtwe u yawmo şatonoyo da 110 eşne du Sayfo dsımwo calu camaydan mi mamlaxtho da Cuthmanoye mathkır bi cito da Qatholiqoye dkıtyo bi mdito d’Siebnen d’Swisra. U duxronano, mtayıb mu federasyon da Oromoye b’Swisra umu Waqıf da Buhone d’Nsibin dcalu yulfono da Oromoye.

A hadome da şutosani du camaydan b’Swisra u hadome di cito Qatholiqoyto cam Xuroyo Kerim Asmar kalın qatınto d’şetqo cali ruho da Sohde u maqım teşmışto cali ruhathe ubebzabno, mqadım’ste zmirotho şalye la hadire. Bıthır’ste sim mamle mşahlıfe ma mşale da şutose Oromoye ume Abuna Karim Asmar calu nişo dkıtwo bıthre du qtolğensano u aydarbo klozım tawtır nufqinale moro.

A hadire’ste hawilın mkono dımşayli a şwolathe u dobın a hzayothathe bi sbuthathe du Sayfo. Bu duxronano’ste camgabe dmaqıth şamce u mqadım muklo u ştoyo cali ruho da Sohde, mahwe’ste mınyono d’rşome dıkmgaşmi a qatle barbroye dsimiwo calu camaydan bu zabno du Sayfo. Bu dumyano, kamıl duxrono hreno dımtayıb adşato ma şutoste frişe du camaydan leşan a Sohde du Sayfo.