U flim dokumenter calu Sayfo “Souls in Transit” gıdmıfrıs b’Amerika
İ mafqonitho du flim dokumenter dcalu Sayfo-Ruhotho Coburyotho, Aida Schlaepfer-Hassani ucdo b’Amerika’yo, leşan dhudro a frose du flimayda ba sinemat du athro. U flimano d’Souls in Transit, gıdmıfrıs 15 u 17 bu yarhano d’Hziron ba sinemat d’New Jersey.
NEW JERSEY, Amerika – İ mafqonitho du flim d’Ruhotho Coburyotho Aida Schlaepfer camu mathlono d’European Syriac Union (ESU) Şlemun Rhawi sımlın socurutho l’Amerika leşan u tehwiyo du flim dokumenter dsim calu Sayfo mayiro dan 1915.
U flimano di Schlaepfer dıkmahke calu makthabzabno du camaydan wu qtolğenso mayiro dsımwolen i mamlaxtho da Cuthmanoye cam caşeryotho Kurdoye acle ubebzabno, a qatle barbroye haroye dhawın ba dore haroyani; beynothaye u qtolcamo dsımwole Dacış.
U filmano d’Souls in Transit, dkıtyo 77 qatinotho, gıdmıfrıs yawme d’Huşabo 15 bu yarhano d’Hziron, u gıdmşare bi şoctho 18.30, bi sinema d’Teaneck b’New Jersey. U timo du cboro b’25 dolare’yo u bıthır mıd kamıl u flim, kıtte a hadire’ste gado dımşayli a şwolathe l’Aida Schlaepfer.
Bıthır’ste 17 bu yarhano d’Hziron bu snodo di cito d’Yuldath Aloho b’Paramus, gıdmıfrıs u flimano du Sayfo bi şoctho da 18.45 b’Regal Cinema Solomon Pond Mall wu cboro’ste b’25 dolare’yo. İ mafqonitho Aida u mathlono d’ESU, sımlın qroyto lu camaydan da dukothani dmıştawtıfi acmeye ba yawme dımbayni ba sinemat, leşan d’yulfina u dnufqina moro la Sohde du Sayfo dan 1915.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
