U flim dokumenter dcalu Sayfo dan 1915 “Souls in Transit” gıdmıfrıs ramhıl 15 bi sinema d’New Jersey
U flim dokumenter dcalu Sayfo dan 1915-Ruhotho Coburyotho dsımla i mafqonitho Aida Şlefer, gıdmıfrıs ramhıl 15 u 17 bu yarhano d’Hziron ba sinemat d’New Jersey u b’Worchester.
NEW JERSEY / MASSACHUSSETS — U flim dcalu qtolğenso mayiro dsımwo calu camaydan mi mamlaxtho dan Cuthmanoye bu zabno du qrobo qamoyo dbritho- d’Souls in Transit-Ruhotho Coburyotho dıkgorış bebzabno u zuhoro cala qatle barbroye haroye dhawın ba dore haroyani gıdmıfrıs ramhıl b’sinemat d’Amerika.
U filmano dkıtyo dokumenter, gıdmıfrıs ramhıl 15 bu yarhano bi sinema d’Teaneck b’New Jersey u gıdmşare bi şoctho 18.30. 17 bu yarhano d’Hziron bu snodo di cito d’Yuldath Aloho b’Worcester, gıdmıfrıs u flimano du Sayfo bi şoctho da 18.45. U timo du fetqo b’25 dolare’yo u bıthır mıd kamıl u flim, gıdmitahwe mkono la hadire’ste dımşayli a şwolathe li mafqonitho Aida Şlefer.
İ mafqonitho wu mathlono d’ESU Şlemun Rhawi, sımlın qroyto lu camaydan da b’New Jersey ubı Worcester u hedoraye dmıştawtıfi acmeye ba salone da sinemat, leşan tawtır dfuhmina a siyasat dmafiti calu camaydan bnişo dmıqşıc ma dukothayde a şerşoye u dnufqina moro la Sohdaydan du Sayfo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
