U Gabo du Huyodo Demoqratoyo mhanele a Mşihoye d’Suriya bu cedo di qyamto
U Gabo du Huyodo Demoqratoyo-PYD, frısle egartho u mhanele a Mşihoye d’Suriya kulle, bu cedo di qyamto. İ PYD kımmo; U cedano di qyamto, egartho di ahonutho da came, du şlomo udi hubo wu zoxutho’yo mqabıl di dişutho dcala came tawdithoye dkobın dbihuth nafşo leşan i noşutho kula.
GARBAY MADENHO D’SURIYA – Bu cedano d’adyawma, fris naqla hreto egrotho frişe la Mşihoye d’Suriya kulle. Ha mani’ste, u Mawtbo gawonoyo du gabo du Huyodo Demoqratoyo-PYD’yo dımqadamle egartho da tahınyotho la Mşihoye du athro kulle. Bi egarthathe’ste i PYD kımmo; Kımcaydina u cedo di qyamto da Mşihoye d’Suriya bu yawmano u mbarxo u kıtulbina, dımamte şlomo u mşaynutho lu athro kule.
İ PYD kımmo; U yawmano du Huşabo dkıtyo u cedo di qyamto d’Mşiho me beyn da mithe, kımrayşın u hethotho u kım’athıl i ahonutho da came, du şlomo udi hubo. Acme’ste i zoxutho mqabıl di dişutho dcala came tawdithoye dkıtne fadakariye li noşutho u dıkmgaşım Yeşuc Mşiho dhuwle ruhe dıbho mqabıl da dyoşe udi cıtmo.
U gabo Kurdoyo du garbay madınho d’Suriya mırle; Ahna bi PYD bi cohnuthathe kımhanena u kımbarxina an ahunone u ahwothaydan a Mşihoye-gawonoyith b’britho u dilonoyith b’Suriya. kıfulğina i fsihuthathe bu yawmano u kıtulbina dımamte u cedano şlomo u mşaynutho l’Suriya kula, dqoyım u kboşano wa galwoye dqudri naqla hreto ducri la dukothathe uda came kulle, dmaqwın i ahunonuthathe dcamhıdode.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
