02/06/2021

U gayso d’İsroyel mfarqacle nuqazto du rejim ba turone d’Golan

U gayso d’İsroyel mfarqacle nuqazto du duyoqo du rejim d’Suriya ba turone d’Golan. U cuqobano’ste mawdıc dkıtyo da tlotho’yo dıkmisım adşato cala hayle du rejim bi fnithathe.

Bi egartho dfrısle u malolo du gayso bi dafathe du Twitter m’akadle, di nuqaztathe mfarqıco, cal dbınyo b’duktho dkıtyo bu duyoqo ubi morutho d’İsroyel.

U malolo du gayso d’İsroyel-rabhaylawotho Avichay Adraee, m’akadle du gaysathe mfarqacle athmıl nuqazto du duyoqo du gayso du rejim d’Suriya Başar al Assad bu macırbo du xtuto d’Alfa dkıtyo ba turone d’Golan ubi morutho d’İsroyel. A turone d’Golan dkıtyo duktho folhoyto stratejikoyto, midowa me İsroyel bu qrobo dan 1967-dımdawamwole cam Suriya 6 yawme.

Bu xutano d’Alfa, kito’ste hayle Emwothoye dıkmcaqbi u şlomo beyn İsroyel u rejim d’Suriya. U malolo m’akadle’ste d’hathe latyo inaqla qamayto dıkmifarqıc nuqazyotho du rejim d’Suriya dıkmıbnoyi ba dukotho d’İsroyel wu hathe da 3 naqlat’yo adşato dıkmitahrıw nuqazyotho du gayso d’Suriya

U malolo du gayso mırle bi dafathe du Twitter; Ahna qatciyan lıkmaqbılina ayya nesyuno du dyoşo di moruthaydan u gıdmfarqıcina kull nuqazto dıkmibıc dmitarkıw ba dukothaydan. Bu tebano lo mawdıc’ste, en qtil noşo. İsroyel sımla ba mowat d’cuqobe cal Suriya ma 2011 uholucdo uba hçomani, midi a ğrobe dıkmısnodi mu İran; beynothaye Hizballah nişo la hçomayda. Belhude ba 2020, mhewola İsroyel b’50 nişe mbayne d’Suriya u kımnasyo dlo turyo du İran dmaqwe i ithuthayde b’Suriya.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…