U hadomo d’Gurup Yorum mwayacle ahayeyde

Hadomo hreno mi gudo da zamore d’Gurup Yorum nqil ma hayani bıthır me kafno d’Sawmo 323 yawme xıd hfuxyo mqabıl di şıltonutho d’Erdoğan dımnıcla i gudo dzımro.

İbrahim Gökcek i şıltonutho d’Erdoğan bu cufoyeydeste lıtrela tıhnihoyo dmicafe mahjamlın a pwelıs calu Cem evi da calawiye i duktho dıgmicafewo eba.

İbrahim Gökcek dkıtyo ha ma hadome di gudo di musiqa dzımriwo zmaryotho ba leşone mşahılfe du athro u bebzabno zımriwo zmaryotho dkıtlın gawno di demoqaratoyutho u haye mşawtıfe da came camıhdode, bıthır mıd msıkwo dılo celtho mede balhude cal dzımriwo a zmaryotho di demoqratoyutho u da haye mşawtıfe da came, mahwewole hfuxyo u mşarewole b’taglitho du kafno du sawmo hul lu mawto.

İbrahim Gökcek bıthır me 323 yawme sawmo du kafno mwayacle a hayeyde u hawi u farsufo trayono di gudo dkıwayıc ahayeyde bu şıkılano bıthır me Helin Bölek dımwayacwola a hayeyde bıthır me 288 yawme du sawmo du kafno.

A farsufani hulın a hayathe lu mawto mqabıl du hboso u di lo kinutho dıksaymo i şıltonutho du gabo di AKP d’Erdoğan.

Bıthır mu mawto d’Gökcek i şıltonutho d’Erdoğan lıtrela bı tıhnihutho dmitahıt bu qawroste elo mahjamlın a pwelıs cala farsufe dkıtweyne bu cufoyeyde bu Cem evi b’Kayseri dkıtyo i mditho du mawlodeyde.

Bıthır mu hjomano da pwelıs calu bayto di slutho da calawiye dıkmitawmarlın cemevi a şutose da calawiye mahwelın hfuxyo u mırlın li şıltonutho d’Turkiya maqimi idotheyxun ma botay slawotho dkıtlan Cem evi.

9 şutose da calawiye mahwelın hfuxyo mqabıl du hjomo dsımlın a pwelıs di şıltonutho d’Erdoğan, u  mırlın maqimu ideyxun ma botay slawotho da calawiye, hani a dukotho di tawditheydan ne latne i dukotho dı hıjmutu aclaye.

Harke kımahwe i barbıroyutho di şıltonutho d’Erdoğan lıktıryo a mitheste dmicafın b’tıhnihutho.