U hasyo du Yawnan mahwele hfuxyo mqabıl di aykanoyutho d’Ayasofya

Bıthır ma hfuxye d’Amerika, Rusya, d’athrawotho wu mşale mşahılfe, u hasyo du Yawnan bi maqırhonutho dhule mırle; Turkiya lıkmajıryo dımşahılfo Ayasofya l’masığdo di Maşılmonutho.

 Bi maqırhonutho dsımle u hasyo di cito Yawnoyto Leronimos mırle; Turkiya mın dkito b’idotha kmıştacyole, Ayasofyaste ha ma medonani dkito b’idothayo.

İ sbutho d’Ayasofya kımdawım dothe sturye bhaq du fusqono dkobıc u bethdino celoyo d’Turkiya dmawdacle dımşahlıf dakbar i aykanoyutho d’Ayasofya dkıtyo bethcatiqotho ftıhto lkul noşe.

U bethdino 2 bu yarhano latımwo u drışle i sbuthathe elo mawdconutho lı hiw mınyo celtho noşe lı kodıc, elo ha mede idicoyo bzabno d’15 yawme gıdmitawdıc u fusqono du bethdine dhawi.

Bi sbuthathe u hasyo di cito Yawnoyto Leronimos hule maqırhonutho dı macjazla Ankara ğalabe. Bi maqırhonutheyde mırle. Turkiya lıgsaymo curca dmaydo fusqono dımşahılfo i aykanoyutho d’Ayasofya ono lıgmıtyaqano komır u hasyo yawnoyo.

Bi sbuthathe u waziro di baroyutho d’Amerika i cito Rusoyto u hayle mşahılfe mahwelın u hfuxyathe dımqabıl du şuhlofo dkıbco saymo Turkiya bi aykanoyutho d’Ayasofya.