U Hudro da Neşe b’Turabdin-SURKADİM, adşato’ste mtayable hfitutho du cedo cama nacime di mdito d’Mıdyad uda qıryawotho dhedora

U Hudro da Neşe Suryoye b’Turabdin mtayable hfitutho du cedo bu bınyono du Federasyon da Hudre Suryoye dkıtyo bi mdito d’Mıdyad. Bu zabnano dımqarawle u cedo di Qyamto du camaydan, sımle u Hudro da Neşe Suryoye qroyto la nacime di mdito uda qıryawotho dhedora, dabici dmıştawtıfi cama emothathe li hfituthathe.

Xıd kull şato bu zabnano dıkmqarıw u cedo di Qyamto, kılaymi a nacime wa rabe bu maktho d’SÜDEF b’Mıdyad leşan dımcişi i ruho du cedano u mqadşo u bebzabno, dmacişi’ste i mardutho wa cadat catiqe dan abohothathe. Calathe ba yawmotho dşafıcina simi 2 ma remze du cedano-awkith i kliça u swici a bece du cedo b’gawne şafire.

İ diloyto du yawmano’ste, dhadırle mınyono d’nacime u rabe me ğer athrawotho d’Urifi’yo u dmafıtlın kulle camhıdode yawmo basimo ubi fsihutho dımqarawle u cedo di Qyamto d’Moran. Bu tarano’ste u U Hudro da Neşe Suryoye, mqadamle a tahınyothayde la nacime kulle cali mıştawtıfonuthathe li hfituthathe.