U Hudro du Quyomo da Mşihoye du Madınho mtayable tarmıyotho frişe lu camaydan du athro

U Hudro du Quyomo da Mşihoye du Madınho, mtayable tarmıyotho frişe lu camaydan d’Suriya u du Iraq, u adşato malımle snodo lu camaydan d’Turabdin. Hudro frısle ucdo mawdconutho cali tarmitho dımtayable, leşan u snodo da tloye du camaydan b’Turabdin.

 Bi tarmithathe dmalımle u Hudro kmoyutho rabtho d’zuze, zwin ebeye duşne frişe la nacime bi cohnutho du Cedo du Mawlodo.

Bu şuroyo di mawdconuthathe dıfrısle u Hudro du Quyomo da Mşihoye du Madınho dkıtyo hudro dımşakıl man abne du camaydan dıkhoyın bı dukotho frişe d’Almanya, kımqadım a tahınyothayde lkull farsufo dhawi sanodo li tarmithathe dmabdelın, leşan atloye ba qıryawothaydan d’Turabdin.

Bi mawdconutho dhiw bi dafo du Hudrano makıd, bu snodo momunoyo dhawi qadiri d’zawni duşne xıd lbuşe, semde u ğer material lan abne du camaydan b’Turabdin. Elo camıhbol, a mşale Turkoye mi celtho di Corona lo huwlın aftho dmifarqi a duşnani bıhfitutho dgımisomowa cam Mor Zoxe.

Mawdıc da duşne dmahti ucdo b’cambar bi mditho d’Mıdyad, gıdmifarqi baroyo la tloye inaqla i şultonutho Turkoyto dobo fsoso lu Hudro. Bi cohnutho di tarmithathe dımtaybo, mqadamle u Hudro tawdiyotho dilonoye li jamaca di cito d’Mor Stefanos u lu kohnathe Abuna qaşişo Aziz Stefan d’Kirchardt calu snodo dmahwelın.

Bebzabno mqadım tawdiyotho hamime lu snodo momunoyo dımqadamle u Hudro Suryoye und Deutsche, la hadome di Sictho du Hudro du Quyomo da Mşihoye du Madınho kulle, calu tacbo dhuwlın bu tuyobo di tarmithathe, u la clayme dkımhadri i dafo du nawlo wa afişe da fulhone u da tarmıyotho dıksoyım u Hudro.