U hudro Suryoyo dkıtyo b’Örebro du Swed, sımle baytoyutho lu turgomo calu Sayfo. Kle cali ulsoyutho di şultonutho du Swed, dmawdıyo bu Sayfo

ÖREBRO, Swed – Athmıl mtayable u hudro Suryoyo di mdito d’Örebro du Swed, turgomo leşan dmathkır u qtolğenso mayiro dsımwola i mamlaxtho da Cuthmanoye calu camaydan, calan Armınoye u Pontusoye bu zabno du qrobo qamoyo dbritho. U xıd mathlono d’ESU, hadır Şabo dbe Gigo lu turgomano dcalu Sayfo.

Lu turgomano dsim u futohayde me Habib Dilmenc dkıtyo u rişono du Federasyon da hudre Suryoye, hadırle’ste u kohno di cito d’Mor Aho Abuna Malek Ülger, u qoyumo mu gabo da Mşihoye Demoqratoye Yusuf Aydin, u qoyumo Suryoyo Armınoyo mu gabo Mnatrono Arin Karapet cam mınyono celoyo dcamo.

Aydin bu mamlayde kali cali ulsoyutho di mawdyonutho du Sayfo dan 1915 u mırle; Athi u zabno du Swed xıd ğer athrawotho Urifioye, dmawde da gunhe dsimiwo bu zabno du qrobo qamoyo dbritho-qtolğenso’we.

U qoyumo Arin’ste bu mamlayde mırle; Ahna a nubğe, kull şato gıdmathkırina a dıbhe wa Sohde du qtolğenso dsımwo aclayna, u mkararle i qroytayde li şultonutho Swedoyto dmawdıyo ebe. Athto Swedoyto Cornelia dhawyo hadımto bi cito Suryoyto Orthodoksoyto u dımşarela dyulfo u leşono Suryoyo, mqadamla zmırto la hadire bu Englişoyo.