03/07/2020

U huyodo da gabe Kurdoye frısle buyono calu knuşyo d’Astana

U huyodo da gabe Kurdoye dkıtne b’Suriya, frıslın buyono u sımlın sturyo u knuşyo ştithoyo dhawi b’Astana beyn da rişone d’Rusya, Turkiya wu İran.

 U buyono komır; Anathrawothani dlatimi b’Astana, zıttır mıd dmıftakarlın bu yuthronathe, lo mıftakarlın bı mede hreno. Mawxa a knuşyani latne lu şroyo da qetre uda krize du athro d’Suriya.

 Bu buyonano dıfrısle u huyodo da Kuırdoye d’Suriya kmahkın calu qedomo lo şariro da athrawothe d’yatiwi b’Astana u bebzabno sımlın sturyo u rejim d’Suriya dlıkımqadım lu şroyo du qatro d’Suriya. Bu buyono a gabe kımi mu zabno dımşarele u qrobo d’Suriya a hayle qlimoye qulnaqa kalın b’fothe di demoqratoyutho dıkmibic mitarkuw bu athro d’Suriya mu taraf da came.

Bayn da haylanai u İran u Turkiya mdaxelın bgawe du qrobo ba haylathe a folhoye. Camgabedathe u rejim d’Suriya qulnaqa kımnase dımanhıt la haye a tarmyotho tuxmonoye di bcelıdbobutho da came, bu darbanoste hule darbo la hayle folhoye da athrawotho şbobe dcıbri bgawe du athro.

Kul noşe trodıc ahna cama hayle folhoye dkıtlan mşawtıfe cama came hawilan nişo dımharbina mqabıl da marıhbone dı Dacış u gurube hrene xıdu ğbino d’Nusra u ğer. U buyono dıkmahke byarixutho cala teştıcınye dıkmisım ma hayle qlimoye mqabıl da came d’Suriya ksoyım qrayto la hayle demoqaratoye dkito bu athro dlothın la teştıcınye, u bhefxo du medano dhowe droşe camıhdode laşan dmisım cwodo mhaydo l’Athro mhaydo d’Suriya.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…