U Huyodo da Neşe d’Bethnahrin bu buyono dıfrısle mawdacle belhude bu ağuno mshawtıfo i athto kiba dxılqo sebyono di athto

Bi rişitho “u yawmo du derqublo da neşe 8 Odor howe brixo”, u Huyodo da Neşe d’Bethnahrin frısle buyono u mathkarle u yawmo Tibeloyo da neşe dıkmisım kul şato 8 bu yarho d’Odor.

 Bu buyonano difrısla i Sictho Mdabronitho d’HNB bi ohnutho du yawmano mırla; belhude bu ağuno mshawtıfo di athto, kibe dmıxlıq sebyono di athto, haye şawye, dlo qrobo u dmitarkıw kenşo demoqratoyo.

Bi ohnutho du yawmo Tibeloyo da Neşe Falıhyotho dibritho 8 Odor, u Huyodo da Neşe d’Bethnarhin-HNB frısle buyono u mathkarle i diloyto du yawmano. Bu şuroyo du buyonano HNB mırla; 8 Odor yawmoyo dıknofıq mqabıl du sistem dıksoyım kull şıkıl d’hbose, mqabıl di lo şawyutho. Ahna a neşe kımaydina asas lıruhayna u xtuto di hirutho di athto, u gıdfayşina masre bu ağuno du tetimo du hboso, di mıştacmıronutho, du cnufyo, calu tacbo u calu guşmo di athto.

U buyono d’HNB mırle; Elo i zıhniyatheyo dsımla a qtolğense calu camaydan, dıkımdawmo cama mdabronwotho jihadist, faşist u diktatör dıkmidabri mu gawro. Xıd neşe klozım dımşaylina l’ruhayna haykoyo dukthaydan u aydarbo klozım dhuwyo bu kenşaydan u beyn du camaydan. Adyawma a neşe’ne dıkgurshi u rişo du ağuno u delqublo leşan d’kensho demoqratoyo, şawyo udlo dişutho. A neshe hani alfowat d’ışne ba macımle, ba qrobe, bu bayto, bu fulhono ubı kull haqlo da haye qtili, mıştacmıri u simi teçawuz.

Bı belhude bu ağuno mshawtıfo di athto, kibe dmıxlıq sebyono di athto, haye şawye, dlo qrobo u kensho demoqratoyo. Bı Bethnahrin ubı britho a neşe kobın ağuno mqabıl du kboşo u kımaydi duktho bu şekolo d’haye hathe. Bi nfaqto du Huyodo da Neşe d’Bethnahrin bi falsafe du rişono du Mawtbo Umthoyo d’Bethnahrin, xliq falsafe du şuşoto di athto. Bu ağunano hani ıshne, kmisım rişutho la neşe du camaydan u HNB bi idactho’yo dıklozım dmahwe klayto mqabıl dkull şıkıl mwaxrutho.

HNB mırle; A neşe du camaydan mıdlın duktho bu qrobo mqabıl du bcelıdbobo di noşutho Dacış, u hawın u sebyono du ağıno di athto udu camaydan. Mtaksi u sımme mdabronutho du kenşo, u kalın mqabıl du sistem dkıtyo calu asas du ğenso. Hawi cyodoyo mardutho, HNB bı hfitwotho mşahılfotho dımcayıd u yawmo d’8 Odor bnişo di athto Suryayto-Othurayto dmacliyo qola leşan dmitaqimo i dishutho wi frişutho dkowe acla.

U buyono d’HNB komır; Kıtlan qrayto lkull athto du camaydan, dmaydo duktho bu fulhono umthoyo, u dilonoyith di athto, leşan dmirabe neşe dmaydi rişonutho bkull haqlo du kenşo. Bu delqublo di athto, ubu ağuno umthonoyo kibe u camaydan wi athto dımotın li hirutho. Bi harayto kımqadmina a şlome wa iqoraydan lu camaydan, u dilonoyo li athto Suryayto-Othurayto. Bu mabco dkull yawmo dhowe 8 Odor, kımcaydina a neşe du camaydan, a emothaydan, wa neshe dbritho.