U Huyodo da Neşe d’Bethnahrin cal 8 Odor; glozım mınfıq moro lu yawmo Emwothoyo da Neşe Falıhyotho dbritho

U Huyodo da Neşe d’Bethnahrin-HNB xıd hedriye la hfitwotho dgımisomi bu yarho dıbqamuthayna, mcayadle a neşe dbritho u dilonoyith a neşe du camaydan bi cohnutho du yawmo Emwothoyo da Neşe Tacobe dbritho ula neşe dkobın ağono leşan i hirutho di athto.

HNB abıc dmamte lu bolo u dawro dhawile u camaydan ba şuşote dsimi wa neşe u mede dhuwlın li mdinoyutho meqım alfayo d’eşne wu adyawmaste bi nfaqtayde bu taro di falsabe du rişono d‘MUB Mikhael Naim Hadodo ftiho warqo hathto lu camaydan ula neşe du camaydan u kle cali methtaksonutho dilonoyto li athto dqudro bu haylo ubu sebyono d‘ruha dhuwyo morto d’irade.

HNB grışle u zuhoro cala şuşote dsımle HNB bu haqlo folitiqoyo,du tboco froso, di methtaksonutho, bu haqlo diplomatiqoyo udi methtaksonutho dmarkıw ba wahde frişe d’Urifi, bu Cıraq, Suriya ubı Turabdin udu nişo, dhowela i athto dawro rabo beyn du camaydan u dmathlo ruha beyn da came hrene.

Calathe HNB m’akadle cali celtho di athto Othuroyto Suryoyto hani ışne kımcaydo u yawmano d’8 Odor b’hfitwotho mşahılfotho u knufqo moro lu yawmano bi ruho ubu mrodo leşan dhowe demoqratoyutho u şawyutho b’britho. HNB gıdsoyım hago 4 bu yarho d’Odor dıbqamuthayna bi mdito d’Gütersloh d’Almanya, bi mdito d’Giessen gıdmisım 11 bu yarho taklitho bi cohnutho d‘8 Odor, ubu Swed‘ste gıdmisım 12 bu yarho d’Odor turgomo calu dawro di athto bıgawe du kenşo.