U Huyodo da Neşe d’Bethnahrin frısle buyono bi cohnutho di hedriye da hfitwotho dgısoyım 8 Odor

Bu şuroyo du buyonano dfrısle u Huyodo da Neşe d’Bethnahrin xıd hedriye la hfitwotho dgımisomi bu yarho dıbqamuthayna, mcayadle a neşe dbritho u dilonoyith a neşe du camaydan bi cohnutho du yawmo Emwothoyo da Neşe Tacobe dbritho ula neşe dbıhlın a hayathe bu ağono leşan i hirutho di athto.

HNB bşıkıl rwiho mahkele calu makthabzabno di noşutho u cali mdinoyutho wu dawro dhawile u camaydan ba şuşote dsimi wa neşe bu dawrathe mın huwlın meqım alfayo d‘eşne. Camathe’ste kle cala qatle ucala qtolğense dhawın u tathir dtrelın calu camaydan ba falqe frişe d‘Bethnahrin u dilonoyith cali athto du camaydan wi klayto dmahwela.

Bebzabno kle cali nfaqto d’HNB cami falsafe du rişono d‘MUB Mikhael Naim Hadodo ftiho warqo hathto lu camaydan ula neşe du camaydan ubu tarano, markıw methtaksonutho dilonoyto li athto dqudro bu haylo ubu sebyono d‘ruha dhuwyo morto d’irade. Mahke cala şuşote dsımle HNB wi methtaksonutho dmarkıw ba wahde frişe d’Urifi, bu Cıraq, Suriya ubı Turabdin udu nişo, dhowela i athto dawro rabo beyn du camaydan u dmathlo ruha beyn da came du Macerbo udu Madenho Mescoyo.

HNB kıtle falsafe di hirutho di athto u dilonoyith i athto du camayadan dluwyo mtakasto u hırto, laybe dhowe şawyutho bıgawe du kenşo, u calathe mşawşatle HNB neşe dmıdlın duktho ba fulhone dsimi bu haqlo folitiqoyo, du tbocofroso, di methtaksonutho, bu haqlo diplomatiqoyo. İ athto Othuroyto Suryoyto hani ışne kımcaydo u yawmano d’8 Odor b’hfitwotho mşahılfotho. Leşan dqudrina xıd neşe Suryoye dmawfqina u şwolaydan li idacto, dmitaksina u dmotina l’zedqe şawye, kobina yuqro dilonoyo lu yavmo d’8 Odor.

Bu huthomo HNBAhna a neşe Othuroye Suryoye inaqla dmaydina duktho bgawe du ağuno umthoyo kiban dımşawşıtina kenşo dkıtyo modern u demoqratoyo. Bi ruho ubu mrodo di athto, kibe belhude dhowe demoqratoyutho u şawyutho b’britho u calathe kımmina;

Tihe li Hawrutho da neşe dbritho!
Athto Haye u Hirutho!
Mawto lkull şıkıl dımwaxrutho!