U Huyodo da Neşe d’Bethnahrin hadır bi taklitho dsimo la dibhe di zalzale
Şutose frişe di mdito d’Göppingen d’Almanya, mahwelın i awyuthathe cama dıbhe da zalzalat dhawyın b’Turkiya u b’Suriya. Bi taklithathe dsimo bu qentrun di mdito, sımla’ste i mşalonitho du Huyodo da Neşe d’Bethnahrin u fırco d’Urifi Tibelya Ahron mamlo la hadire.
GÖPPINGEN, Almanya – Athmıl yawme d’şabtho, mıdlın a şutose frişe di mdito d’Göppingen d’Almanya inisyativ u mtayablın taklitho bıgawe di mdito, leşan dmathkıri a mithe, a mçarhe wa bnaynoşo dheş kıtne beyn da shifotho da bınyone d’hayidi ba zalzalat dımhewolın Turkiya u Suriya meqım şabtho.
Camgabe da şutose ruşmoye, hadır’ste kohne d’citotho mşahılfotho di mdito leşan dmahwın i awyuthathe cama dıbhe kulle. Bi hfituthathe’ste hadır HNB wi mşalonithayde d’Urifi Tibelya Ahron, sımla mamlo la hadire bu leşono Almanoyo.
Bu mamlayda Ahron, mawdacla u haşo rabo dımhele britho ba zalzalatani dhawın b’Turkiya ubı Suriya, u dhınne xıd huyodo da neşe, kull naqla hadirene lu snodo da sniqoye. Bu tarano’ste HNB kımaşe fulhone cama şutose du camaydan leşan dmitalhıq mcadronutho lu camo dım’athır ma zalzalatani
Bebzabno Ahron m’akadla cali ulsoyutho di mcadronutho dıklozım dmiqadmo lu camo sniqoyo dlo fırşono d’renyo cal du gunhano mhele i noşutho kula ulo belhude camo mbayno aw athro mbayno. Bi taklithathe’ste sim qroyto lu camo Almanoyo dhowe sanodo la dıbhe kulle.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
